句句金
句句金
佢係我永遠嘅朋友，咁多年感情友情，唔係三言兩語道盡。
呢件事上，祖兒真係處理得好得體。不過你當人朋友，人哋未必當你係。
都係嗰句：防人之心不可無呀……
何韻詩早前「出櫃」公布同志身份，密友容祖兒
旋即被懷疑雙性戀。日前，祖兒出席活動時避重
就輕回應事件，並表明支持何韻詩。 
有份出席活動嘅霆鋒，亦力撐師妹祖兒，理你異性戀同性戀又好，
兩個一齊開心就得，唔通好似我返到屋企冇人冇物？
咁你都有兩個仔呀，再唔係搵番個伴囉，唔好扮晒可憐豬豬喎。 
阿 Sa出席商場亮燈儀式，佢自言將來會生 B，最希望生龍鳳胎，
橫掂都痛，一次過好似抵啲。
一次過湊兩件都好辛苦啫，所有使費仲同時雙倍計！
點計條數都唔係好化算。 
劉嘉玲早前出席「毛紡大王」曹光彪孫女婚宴，問到有咩 tips俾新人？佢回答：
要永遠記住對方嘅好。
嘉玲同朝偉咁多年都吹唔散都係全靠呢句。姊妹們學嘢！ 
趙式芝跟同性伴侶 Sean公開關係後，備受家庭壓力。日前佢出席活動，表示會努力同爸爸溝通，
我唔想等到爹哋 100歲，我 60歲先慶祝結婚。
有志者事竟成，媽咪姐都希望你哋一家人和和氣氣。 
全站熱搜
留言列表
