葉佩雯郭偉亮今擺酒　講明唔生 @ TVB娛樂八掛週刊雜誌大分享☆

葉佩雯郭偉亮今擺酒　講明唔生

【今日我至請】郭偉亮同葉佩雯今晚擺酒筵開35席，宴請親朋，噚日佢哋去尖沙嘴攞婚紗同晚裝，Grace着到紅噹噹應景一番。

【銅鑼灣→太子→尖沙嘴】唱作人郭偉亮（Eric）和葉佩雯（Grace）去年11月在紅館簽紙結婚，他們趁今日結婚一周年擺喜酒，陳奕迅、劉浩龍和何超儀等做星級兄弟姊妹團，昨日Grace為籌備婚宴忙到變熊貓眼，她坦言已叫朋友不要送豬牌，皆因他們「唔諗住生」。

現年38歲的郭偉亮和32歲的葉佩雯一年前在紅館萬人見證下結婚，今晚他們會在北角海逸酒店筵開35席補擺婚宴，昨日Grace先入住酒店準備。昨午3時許，Eric跟媽咪和女親友現身銅鑼灣利園，他表示心情不緊張，也不擔心姊妹團有高難度遊戲，他笑說：「未驚過，姊妹話明會玩死我哋。」之後他們去了太子攞衫，再去尖沙嘴會合老婆Grace，Grace說：「好攰，唔夠瞓頭痛。」Eric爆老婆生壓力瘡，Grace撒嬌說：「冇啦，好番晒。」
葉佩雯昨日又接受本報電話訪問說：「每日瞓四個鐘，我好似熊貓有黑眼圈，仲發惡夢唔見晒啲金鈪，尤其奶奶送咗六位數珍珠頸鏈畀我，我好輪盡驚整唔見。」
雖然兩人思想西化，但他們會跟足傳統，擇好昨晚9點吉時做上頭儀式，她說：「媽咪幫我哋上頭，之前仲裝床，買咗新被、床單同子孫桶。」老人家想他們連生貴子？Grace坦言：「我吩咐咗大家唔好送豬牌，我哋唔諗住生，奶奶都好開通。」Grace今日會着裙褂坐花轎出嫁，擺酒着婚紗和兩套晚裝，她說：「雖然我想着黑婚紗，但尊重老人家只係影婚紗相着。」

星級兄弟姊妹

星級兄弟姊妹團則有陳奕迅、劉浩龍、何超儀及杜如風等，問好友謝霆鋒和張栢芝這對離婚夫婦會否到賀？Grace說：「霆鋒推唔到工作，佢同Eric講咗唔好意思，栢芝未知嚟唔嚟到，但留咗位畀佢。」問鋒芝是否怕尷尬避席？Grace說：「唔會，霆鋒成日睇仔都會見面。」至於劉浩龍的女友容祖兒也因事忙缺席。
採訪、攝影：徐錦池、胡比、黃文偉

葉佩雯緊張發噩夢金器全失

郭偉亮（Eric Kwok）和葉佩雯（Grace）今晚於酒店舉行婚宴，兩人趁婚宴前四出奔走，Grace更表示感到身心疲累，更晚晚發噩夢遺失所有金器。

Eric與葉佩雯連日來為婚宴四出奔走，貪靚的葉佩雯要戴黑超避免殘樣曝光。

Eric Kwok和Grace去年11月23日在紅館近萬觀眾見證下，於舞台上簽字結為夫婦後，成婚足足一年後的兩人今天擺酒大宴親朋。為了籌備婚宴，兩人連日來都四出奔波，即使在婚宴前一晚亦要為婚宴服裝走勻港九。

Eric昨日在外母大人和Grace的婆婆陪同下，先到尖沙咀和紅磡等地取禮服裙褂，其後Grace與媽媽、婆婆一同返回酒店準備上頭。Grace表示婚宴前一晚都會依足傳統與老公分開地方過夜。問到心情如何？她說：「淨係覺得好攰，近來每晚都只係瞓得四個鐘。」

兩人細心放禮服裙褂到車尾箱。

葉佩雯鍾情櫻花，故會場設計以櫻花為主。

「櫻」式婚禮

Grace透露因太緊張而經常發噩夢：「可能自己一向大頭蝦，由上星期已經開始，晚晚都夢見自己唔見咗啲金器，又夢到同我一齊籌備婚禮嘅朋友。」她慶幸婚宴的準備工作已完成得七七八八，餘下只有賓客的座位可能要稍作改動。

葉佩雯母親（右）及婆婆返酒店，為葉佩雯上頭作準備。

大歎豬腸粉的栢芝（左）今晚應會出席葉佩雯的婚宴。

由於Grace一向對櫻花情有獨鍾，故婚宴以櫻花作主題。除了宴會場地會布置一棵櫻花樹外，連兩人的結婚蛋糕、伴娘及姊妹裙等都以櫻花為主，而櫻花結婚蛋糕和Cup Cake皆獲贊助。由於Grace對蛋糕的用色有要求，故花了不少時間去製作。

另外，與Grace老友鬼鬼的張栢芝相信會出席婚宴，昨日有粉絲於微博上載一張和栢芝合照，相中戴着帽的栢芝正在食豬腸粉。

文：音樂組

葉佩雯搞婚宴發噩夢

已拉埋天窗一年的葉佩雯（Grace）和Eric Kwok（郭偉亮），今晚會在酒店筵開35席補擺喜酒，昨日他們先一同取裙褂和禮服，兼為婚宴做最後準備，之後暫別一晚，跟足傳統各自上頭，Grace更大爆緊張得晚晚發噩夢！

今日是Grace和Eric Kwok結婚一周年紀念，亦是補擺喜酒的大日子。去年11月23日Eric在自己的演唱會上跪地求婚兼即場註冊，今晚他們會到北角海逸君綽酒店設宴35席。郭氏伉儷一直走在最「潮」線，雖說在婚禮前一晚男家女家不應相見，但他們卻一同撲東撲西，為喜酒作最後衝刺。兩人奔波勞碌了一個下午，走勻港九新界，就是為了取裙褂和禮服。

Grace雖戴黑超，但仍感受到她心情勁靚，取過裙褂後便和媽媽及婆婆坐的士返酒店，下車後拎住一袋二袋的她表示將在酒店過夜：「今晚分開過夜，大家都要上頭。（係咪會跟足傳統？）哈哈，其實唔應該見面，但頭先都見咗！（心情緊張嗎？）攰多過緊張，呢排日日瞓得4粒鐘，上星期仲晚晚發噩夢，夢見好大頭蝦咁唔見晒啲金器，又夢見搞婚禮啲朋友個樣！」她表示大致上準備妥當，只是座位安排最麻煩：「到依家都仲改緊，搞咗勁耐，我都叫身邊啲朋友諗清楚先好結婚！」

櫻花主題

此外，婚禮負責人透露由於Grace非常喜歡櫻花，所以今晚的婚宴場地亦會以櫻花為主題，場內更會有一大棵假櫻花樹，就連姊妹裙、結婚蛋糕和送給賓客的禮物都有櫻花。另外，劉浩龍（師兄）前晚出席電視劇《第二人生》煞科宴，他表示會為Eric和葉佩雯婚禮做兄弟，並笑說：「班姊妹話要我哋死！Eric叫我哋自己小心啲，佢話佢都控制唔到佢老婆！不過玩還玩，唔好整亂我個頭同件衫就得啦！」

音樂組