葉玉卿 回港 拍戲 讀劇本甩漏 老公秘陪
【今日我至癡】聲稱一個人返香港嘅卿卿，前晚被發現同老公胡兆明（右圖）喺紅磡撐枱腳，認真癡纏！走先嘅卿卿離開時仲打電話通知老公有記者。
【紅磡→尖沙嘴】淡出娛圈16年嘅葉玉卿，上星期返香港拍賀歲片《我愛HK2013恭囍發財》，本來卿卿話今次自己一個返港，但前晚記者竟然見到佢老公胡兆明出現。前晚近7點，卿卿離開入住嘅紅磡酒店後行去對面爐端燒開餐，食到夜晚9點走人，佢邊行邊講電話：「我埋咗單㗎啦，出邊有記者，我轉頭先打畀你。」跟住返上酒店。冇幾耐胡兆明離開餐廳，問佢係咪專程陪卿卿？佢好怕醜咁耷低頭，然後一支箭返酒店。
■祖藍話見到卿卿時好緊張，諗唔到卿卿仲叫佢教做戲。 
■江欣燕喺《我愛ＨＫ》中以經典嘅Maria造型出現。 
■卿卿噚日凌晨首次開工，工作人員見落雨就為卿卿撐起巨型帳篷。 爆囡囡狂喊
卿卿噚日凌晨12點幾喺尖沙嘴首次為賀歲片開工，同場仲有江欣燕同王祖藍等。由於落毛毛雨，工作人員幫佢撐起帳篷，真係服侍周到。卿卿話：「以為玩吓，點知新聞出咗開始緊張，都想自己有啲戲、有啲表現。」會唔會傾新劇本？佢話：「可能，要等我試吓時間配唔配合到，試吓擺低仔女得唔得先，今次一落機已經收到個女嘅片，佢歇斯底里喊30秒，我心都裂埋。」
採訪：羅德光
攝影：朱志聰、陳俊強
葉玉卿讀劇本甩漏
闊別娛樂圈多年的葉玉卿終於復出，接拍曾志偉的賀歲片，她前晚現身尖沙咀某日本餐廳為電影開工，吸引大批傳媒等候。由於天雨關係，劇組安排四位工作人員為卿卿搭起帳篷擋雨護駕，盡顯其地位。卿卿受訪時表示緊張：「初時諗住玩下，但見愈來愈多報道，我都覺得自己要有啲表現。同埋開頭讀劇本好似唔識中文咁，有啲甩口，但依家講多咗都pick up到。」另外，她亦自爆囡囡狂喊：「我一落機佢就傳短片畀我狂喊，我心都裂埋，會考慮接佢到香港。」同場的王祖藍表示飾演卿卿兒子好緊張，更說兒時已有跟對方合照。
葉玉卿透露囡囡因掛住佢而狂喊。
葉玉卿冒雨復工
息影多年的葉玉卿終於復出，接拍曾志偉的賀歲片，她前晚現身尖沙咀為電影開工。由於天雨關係，劇組安排四位工作人員為卿卿搭起帳篷擋雨，盡顯其非凡地位。
闊別娛樂圈多年的性感女星葉玉卿，最近答允曾志偉參與賀歲片演出。前晚大批記者收到劇組消息，到尖沙咀某日本餐廳門外等候卿卿。至凌晨1時左右，卿卿身穿白色套裝，精神奕奕地出現。卿卿表示首次開工感覺不錯：「係有少少緊張，初時諗住玩吓拍10日8日，戲份都唔喺我度，但後來見愈嚟愈多報道，我都覺得自己要有啲表現，所以開會時要求畀多啲戲我。同埋開頭讀劇本好似唔識中文咁，有啲『甩Cut』，但依家講多咗都Pick Up到。（習慣拍戲生活？）夜晚戲都OK，因為我仲係美國時間。同埋我今次返嚟2個星期，都係得6至8組戲。」問到有否約老友見面？卿卿說：「主要見媽咪，會日日見。都有好多朋友搵我，我會主動同盡量見多啲佢哋。」
王祖藍索簽名
至於有新劇本會否再接拍？卿卿表示可能會，但要因應時間配合，她更自爆囡囡很掛念她：「今次係第一次放低仔女，我一落機個女就傳短片畀我，佢喺度歇斯底里咁喊，好好戲呀，但我心都裂埋，要諗辦法解決相思之苦。（接佢嚟香港？）會考慮，佢依家冇心機讀書都一樣，可能要佢荒廢吓學業，但畀佢睇我拍戲都好。」受訪後卿卿即走入大廈稍作休息。未幾，由於天雨關係，即使該大廈與拍攝場地只是數十步之距，劇組都安排四位工作人員搭起大 帳篷到商廈門口迎接卿卿，為她擋雨開路，盡顯地位。
另外，於戲中飾演卿卿兒子的王祖藍說：「好開心做佢個仔，我細個喺加拿大做合唱團有同佢合照，今晚我要搵番張相畀佢簽名！（卿姐好緊張喎！）我仲緊張，頭先佢叫我教佢做戲，不過佢係太耐冇拍戲啫，一拍條筋就返嚟，等睇佢嘅風采。」
影視組
卿卿前晚冒雨為電影開工，精神不錯。
卿卿（右）與同劇演員張嘉兒（左起）、莊思敏和黎諾懿等在帳篷下避雨。
飾演卿卿兒子的王祖藍笑言要搵卿卿簽名。
留言列表
