全家護航
一家人其後入咗一間時裝店 shopping，一出舖頭靚靚再度抱實「魔童」， Chilam則殿後保護。
媽咪姐
魔童自動曝光
即將接拍冼國林投資黃秋生主演《葉問——終極一戰》嘅袁靚靚，雖然喺新戲中唔使點打，但平日抱仔抱到好似練力咁，即使拍打戲都應該冇難度。
早前媽咪姐喺中環撞到靚靚一家人入咗間時裝店。靚靚為防囝囝「魔童」入鏡，無論入舖前抑或出舖後，均抱實囝囝，仲叫佢伏喺自己膊頭，千祈唔好昂高頭。
不過「魔童」有名你叫，又點會輕易就範！就喺父母 shopping時，精靈嘅佢匿喺衣櫃偷 𥄫媽咪姐。嘩，佢對眼同靚靚一樣咁大，鬼咁可愛。難怪靚靚要收埋囝囝，費事俾人睇蝕晒吖嘛。
雙重遮擋
靚靚為防「魔童」入鏡，除咗叫囝囝伏喺自己膊頭外，仲用手遮擋，雙重戒備。
鬼馬現身
其實「魔童」都好貪玩，就喺父母 shopping時，佢靜雞雞偷望舖外，個樣真係同靚靚餅印咁。
一遮再遮
上車後，靚靚、 Chilam繼續遮擋鏡頭，「魔童」則收起貪玩本性，做個好孩子伏喺媽咪懷中。
全站熱搜
留言列表
