媽咪姐
奧運背後……
奧運精英雄姿幕前見得多，幕後又如何？原來個個鬼鬼馬馬，鍾意影低私照放上網。尤其有一半香港血統嘅美國游泳選手艾安恩，乜都影得一餐，絕對有港女風範。
自拍浴袍 chok樣
比賽過後梗係要鬆一鬆，艾安恩同隊友基華斯出發做 spa，臨出門口前搞鬼着住浴袍喺鏡前自拍，冇肉睇都 sell可愛 chok樣。
索女攬洛捷迪
今屆奧運菲比斯失色，洛捷迪上位，搞到贏咗 4金 1銅嘅背泳好手法蘭克琳嗒晒糖。
偷拍隊友醜態
美國男子泳隊住埋同一個宿舍。幾個大男人可以預料會有幾整齊。菲比斯放腳上枱（左圖）；基華斯則鬼咁多行李，摷到通房都係，搞到艾安恩忍唔住影低取笑隊友。
艾安恩（右）跟菲比斯（左） 4X100混合泳接力贏得金牌，兩人老友鬼鬼攞住金牌影合照。
鏡頭後我哋一樣咁型！（設計對白）
體操隊浸冰水
美國女子體操隊今年大放異彩，贏得團體賽金牌。隊員 McKayla Maroney上載一張訓練後浸冰水嘅相，話俾大家聽，成功背後都辛苦㗎，不過點都要擺好甫士先影相。
全站熱搜
留言列表
