谷 4吋事業線
早前熊黛林為品牌拍攝新一輯硬照廣告，穿上晚裝谷行 4吋事業線，白滑皮膚確係搶眼。
娛聞樂
城城一拖再拖 熊黛林谷事業線賺 400萬
娛樂圈模當道，名模買少見少。馬詩慧、陳嘉容早已退下火線，樂基兒嫁黎明後減產， Amanda S.開甜品店做老闆娘，仲肯搏殺 嘅只剩周汶錡同熊黛林（ Lynn）。
周汶錡為護膚品牌 ULTIMA II代言 3年，可惜人氣持續下滑，最近熊黛林取而代之，成為新一輯廣告代言人， 400萬酬勞袋袋平安。
天王男友郭富城遲遲未肯承諾婚期，熊黛林父親早前又罹患肝癌，百萬醫療費由熊黛林一力承擔。難怪熊黛林不惜谷事業線全力銀。靠自己最實際！
名模界正值青黃不接的時期，熊黛林（ Lynn）仍然肯捱肯搏，自然受歡迎。最近護膚品牌 ULTIMA II放棄了合作 3年的周汶錡，以 400萬酬勞邀請熊黛林成為品牌最新一任代言人。據知情者透露，品牌就是看中熊的人氣，「周汶錡近年只係做模特兒工作，反而 Lynn又拍劇又拍電影，曝光率高，形象健康又入屋。最近成日傳佢同城城會結婚，有佢出現 嘅場合，傳媒一定有話題。雖然佢身價真係飆升 咗好多，但品牌覺得好值。周汶錡到依家仲未知冇得續約 㗎！」
低調女友
與城城拍拖 6年的熊黛林，近年地下情終浮面。不過每次拍拖都十分小心，兩人咁近距離，真係好罕見。
熊父來港養病
早前熊黛林花過百萬安排父親來港醫肝癌。上周五（６日），熊父來港覆診，離開診所後熊母一馬當先登上熊黛林的座駕。
晒長腿食快餐
在中環接過雙親後，熊黛林在麥當勞買了一個漢堡包餐，然後駕車返回大坑寓所。搵咁多錢都係食個包醫肚，認真慳家。
拖字訣延婚
花百萬醫父親
城城未肯娶，加上早前父親因肝癌要入院，令熊黛林煩上加煩，「早前熊父 嚟香港私家醫院醫病，醫療費都過百萬， Lynn堅持一力承擔。最近熊父再 嚟香港養病， Lynn亦買 咗好多冬蟲草俾老人家補身。其實佢今時唔同往日，自從 孭住城嫂呢個名，接個 job都過百萬啦！佢都知與其等人養，不如自己努力工作搵錢。」知情者說。
就鍊贏周汶錡做代言人一事，熊黛林表示工作向來交給經理人 Kim斟洽，但卻非常識做，賣晒口乖：「我咩都唔知 㗎！只要個 job適合我，經理人就會幫我接。我向來都有用呢隻品牌 嘅面膜同眼膜，因為大眼睛 嘅人會容易疲勞同衰老，更加要保養。依家做埋代言人，可以大敷特敷喇！我平時都有飲媽咪煲 嘅養顏湯水，內在調理都好緊要。」她還自爆鍾情大眼男生，「大眼 嘅男仔除 咗個樣較精神外，人品亦較為可靠誠懇。我 嘅擇偶條件，就係一定要有對精靈有神 嘅魅力電眼！」講來講去，咪又係電眼城城，希望熊黛林早日修成正果！
拍廣告當日，熊黛林一早到場化妝 set頭，不時拎起品牌產品研究。每拍一個鏡頭，她都要求睇 play back，可見相當認真。
周汶錡 09年開始為 Ultima II做代言人，去年還大賣廣告，點知無聲無息被熊黛林取代。有傳她早前同男友 Julien去巴黎見家長傾婚事。嫁人都係時候啦！
被飛都通知聲吖!(設計對白)
名模對決
能夠取代周汶錡做代言人，熊黛林當然有實力，近年憑住城嫂個朵參演多部賣座電影，全部夥拍天王巨星如古天樂、甄子丹等，稱得上模界吸金王。
熊黛林 Lynn
年齡： 31歲
模特兒資歷： 13年
身高： 1.79米
男友：郭富城
學歷：蘇州大學服裝設計畢業
其他演出：台劇《拜金女王》，電影《葉問》、《矮仔多情》、《花田囍事》、《葉問 2》、《最強囍事》及《八星抱囍》。
廣告： per FACE美容及∼ H2O+美肌纖體
周汶錡
年齡： 38歲
模特兒資歷： 17年
身高： 1.78米
男友：法籍男友 Julien
學歷：中五畢業
其他演出：主持電視節目《回味無窮》、《近廚得食》、《原裝入口》及《咁至識食》。
廣告： Fancl護膚品及 Bella激光脫毛。
留言列表
