小谷為老公劉穎恆（小圖）剖腹誕下肥嘟嘟成日笑嘅劉心。
34歲嘅谷祖琳（小谷）上月20號喺養和醫院開刀生咗個女，經個幾星期休息，噚日公告母女平安，小谷透露囡囡改咗名叫劉心，重7.3磅，佢向各傳媒派發特製嘅心形曲奇，希望大家同囡囡劉心一樣，天天開心咁話。
今次係小谷頭一胎，老公劉穎恆（ Andrew）一直喺產房陪伴，聽到 BB響亮喊聲時，佢哋都感動到喊。 Andrew幫囡囡改名做劉心，小谷話希望囡囡將來用真心待人處事，天天都開心快樂。原來，劉心個名讀音同陳慧琳個細仔小龍包劉琛同音，劉琛、劉心、留心，小谷會唔會幫囡囡改英文名做 Attention呢？
劉心使出一招 O嘴，小谷當然冧晒。 
小谷特製心形曲奇，代囡囡向大家送上開心祝福。 
劉心真係人如其名，笑到單晒眼好開心。 初為人母手腳亂
劉心個面珠仔脹卜卜成日笑，唔止得意可能仲係富貴命，小谷同囡囡出院嗰日撞正強颱風襲港，返屋企嗰陣掛八號風球，真係貴人出門招風雨。小谷開始學湊女時有啲手忙腳亂，所以選擇餵奶粉，家小谷漸漸上手冇難度啦！
谷祖琳 囡囡叫劉心
藝人谷祖琳（小谷）於上月二十日喜誕女兒，BB出世後更掀起了「改名潮」，小谷昨接受電話訪問時笑言：「個個都爭住幫個女改名，經過一輪家庭會議投票之後，結果由老公勝出，改名叫『劉心』。」小谷指女兒名字寓意為開開心心，亦希望愛女將來能真心的待人處事。為了與一眾親友分享小生命的喜悅，小谷更特意製作心形曲奇送予一眾親友及傳媒，希望大家能像劉心一樣，天天開心。
唔搞百日宴
問到小谷有否餵人奶？她則表示：「BB出世到依家都係食奶粉，（搞百日宴？）唔會啦！」憶述生產過程，她興奮的謂：「我老公Andrew Lau一直都陪伴在側，最終聽到BB響亮嘅喊聲時我哋都感動落淚。」劉心出院時更遇上今年最強的颱風，小谷指：「朋友都話係貴人出門招風雨，不過當日好好彩，未掛更高嘅風球我哋已經返到屋企。」而囡囡加入家庭後，小谷不諱言最初難免手忙腳亂，但幸好得到家人協助，現時湊女也逐漸上手。
文：影視組
小谷透露女兒出世的時候，兩公婆都喜極而泣。（資料圖片）
小谷女兒取名劉心，寓意開開心心。
小谷送給親友及傳媒的曲奇。
谷祖琳聽囡囡喊即標淚
藝人谷祖琳上月20日誕下女兒劉心，談及名字由來，她接受電話訪問時說：「自從個女出世後，屋企掀起『改名潮』，結果老公贏咗！改呢個名希望佢開開心心，將來亦都可以真心待人。」未有餵人奶的她透露，生BB時老公Andrew Lau有陪伴在側，當他倆聽到BB響亮的哭聲時，不禁感動落淚。
留言列表
