媽咪姐
我最紅
紅色代表喜氣，去親重要場合，梗有一兩個紅卜卜喺附近。今期媽咪姐搵 咗本周兩大代表，不過論養眼，點都係火紅露背裙配億萬翡翠 嘅鄺美雲贏晒！
鄺美雲 億萬加身
鄺美雲同設計師好友何國鉦拖手到場，佢頸上嘅花形翡翠吊飾，成朵真花咁大！
上周六（ 1日）鄺美雲出席仁濟慈善晚宴，仲有份贊助首飾俾 model行騷，而佢就以全套翡翠鑽飾上陣，總值億億聲，再加埋紅色大露背長裙，搶晒！
鄺美雲加珠寶就見得多，當晚佢居然騷埋白滑大背脊，認真俾面。
范冰冰 大鵬壓境
裙︰ Valentino$99,000
范冰冰同樣出動寶石戒指，不過相比鄺美人隻巨型翡翠，即時比下去。
上周五（ 31日），范冰冰出席時裝活動，火紅色裙搶鏡到極。佢早輪高調宣布自己蜜運，心情靚爆，甫士多多，仲影極都唔走人。不過情緒高漲 嘅佢，最後 嚟個大鵬展翅甫士，嚇死！
全站熱搜
留言列表
