娛聞樂
無綫花旦荒升級 鄧萃雯玩 嘢 宣萱零加薪拒回巢
下周一（ 17日）首播的《天梯》，是張可頤過檔王維基城市電訊前最後一套劇，據知此劇女主角本來是鄧萃雯，但因為她玩 嘢揀導演，最後被飛，由張可頤接棒。其實無 綫鬧花旦荒的情況日益嚴重，佘詩曼、張可頤及廖碧兒相繼離開無 綫，剩下的一線花旦只有胡杏兒及楊怡，但兩人仍未開拓到大陸市場。
連一向有收視保證的鄧萃雯也與無 綫鬧翻，無 綫有資歷的花旦可謂買少見少。而今年再憑《飛虎》人氣急升的宣萱，本來大有機會回巢，無 綫更出動行政總裁梁乃鵬傾約，但最後由於無 綫堅決拒絕加薪，雙方仍在拉鋸，無 綫花旦危機再度升級。
去年開拍《天梯》時，監製李添勝一直想搵番自己班底合作，更意屬憑《巾幗梟雄》及《義海豪情》 冧莊奪「最佳女主角」的鄧萃雯做女主角。其實鄧萃雯本來也答應接拍，不過聽完故事後，她竟然向添哥提出「揀導演」的要求。
《飛虎》慶功宴上，梁家樹（左）及梁乃鵬（右）對宣萱形影不離，梁乃鵬更不停對宣萱落嘴頭，希望她簽約。
樂易玲當日亦在場，雖然她滿場飛，不過同宣萱就零交流，到宣萱一枱時，亦只撩梁家樹傾偈。
鄧萃雯大牌激嬲珍姐
《天梯》下星期播出，由陳豪、張可頤、黃德斌、陳茵媺主演，但原來張可頤是執鄧萃雯二攤至有份演。
「佢（鄧萃雯）拍完《義海》後成個人變晒，覺得《義海》 嘅誇張演繹方法至 啱，唔聽身邊人意見。佢拍《金枝慾孽 2》時，唔信阿戚（監製戚其義），成日叫佢 take多個，嬲到阿戚即場寸爆：『拍 咗我都會剪 咗佢！』雯女面色一沉，之後扮聽唔到，自此兩人關係大不如前。阿戚覺得雯女係憑如妃走紅，依家變到咁大支 嘢，佢都好失望。」知情人說。
李添勝將雯女「揀導演」的要求，交由珍姐（曾勵珍）處理，珍姐於是拍板易角，由張可頤頂上。李添勝對於易角一事，說：「（停了五秒）……女主角要係中年，張可頤好適合，選角冇問題。」問到雯女因為揀導演被易角？他默認︰「 TVB係間大公司，連我都唔可以揀幕後班底啦，監製同邊個幕後合作都係輪住安排，講團結 嘅。」
至於張可頤宿敵宣萱，雖然 TVB欲傾她回來拍《飛虎 2》，不過樂易玲與宣萱的關係麻麻。故宣萱拍續集一事，改由樂易玲上司、行政總裁梁乃鵬出面傾，梁乃鵬下令梁家樹向宣萱打「人情牌」。
以為梁家樹出面冇死，不過事實是雙方傾談時，連詳細條件都冇。「 Tommy（梁家樹）係同宣萱傾過回巢，但次次出 嚟都係得個講字，亦都冇講過加薪。宣萱自然心淡啦。」知情者說。難怪宣萱拍《飛虎》續集，至今一直只聞樓梯響。
因糧期唔準鬧翻
其實宣萱年初在內地拍攝《祥仔的故事之新都市人》時，被該劇老闆兼演員王兆祥抹黑，而她亦覺得北上工作辛苦，故對回大陸掘金熱情減退。宣萱諗過度過，無 綫花旦中，論年資、演技只有胡杏兒可以與她媲美，返娘家無疑是利多於弊，但零加薪她卻接受唔到。
對於續約一事，宣萱話：「上次《飛虎》慶功宴後，至今都再冇傾過。（梁乃鵬同梁家樹搵你傾過？）同 Tommy（梁家樹）傾。我同佢熟。（冇進展，係因為冇人工加？）都冇傾過，總之有好劇本、好條件會考慮。（依家仲唔傾，點拍《飛虎》續集？）咁真係要問 TVB嘞。」
花旦買少見少，無 綫惟有力邀久未拍劇的關詠荷出山，與歐陽震華再合作，另一方面力谷新人，難怪選美冇耐的朱晨麗、苟芸慧及朱璇等已排隊接棒做女主角。
《義海豪情》令鄧萃雯蟬聯視后，亦令她信心爆棚，認定觀眾接受浮誇演技。
張可頤今時今日貴為城電一姐，年初亦有出席城電製作大樓的動土儀式，撐一撐場，兼過吓一姐癮。
新女接棒
花旦再度流失， TVB局住俾機會新晉花旦，這些新女近期在不少電視劇出現。
朱晨麗 2011年香港小姐冠軍
卸任後即被安排拍重頭劇《衝上雲霄 2》，足見被力捧，而且她也非常落力，早前在《慧妍愛心傾城 30年》節目中，半空做出多個高難度動作，成為熱話。
朱璇 2008年國際中華小姐冠軍
處境劇《愛．回家》的演出備受讚賞，觀眾日見夜見加快她的入屋速度。另外，也因朱慧敏被指教同劇演員做戲減戲份，令曾勵珍下令加朱璇戲份，可見受寵程度。
茍芸慧 2009年國際中華小姐冠軍
貌似台灣性感女神林熙蕾，早前在《怒火街頭 2》及《飛虎》成功彈出，加上有樣有身材，緋聞多多。與羅天宇分手後，更被指與謝天華在車廂上偷歡，雖然已證實是流料，但卻令她知名度大升。
花旦買少見少
TVB花旦近年買少見少，她們多數是往內地掘金或嫁人做少奶奶，偶爾才回港拍劇。香港觀眾要看她們的劇集，相信也要北望神州了。
佘詩曼
轉攻內地
去年與 TVB改簽部頭合約，全力回內地發展。去年至今拍畢內地劇《建元風雲》（圖）及《嫁入豪門》，一年一內地劇的收入已與 TVB相若，仲未計廣告及公開活動，可見阿佘的吸金力。
張可頤廖碧兒
轉投城電
張可頤是最早過檔城市電訊的一線花旦，更多次高調出席城電的活動。廖碧兒（圖）改簽城電後，更轉戰內地發展，以登台為主。
蔡少芬
湊女大晒
早在十年前已回內地拍劇賺人仔，故 Ada每隔兩、三年才回娘家 TVB拍劇。繼 2010年的《飛女正傳》後，現於 TVB拍攝《金枝慾孽 2》。近年她專心湊女，即使 TVB提出在明年二月拍《 On Call 36》續集與吳啟華再組熒幕情侶，她也表示興趣不大。
黎姿吳美珩陳慧珊
淡出視圈
三人同是 TVB昔日的花旦，不約而同在產女後淡出娛樂圈，專心湊女。黎姿及吳美珩嫁得好老公，連廣告及公開活動也絕跡，陳慧珊即使因老公破產而成為家中經濟支柱，但暫時只接廣告工作。 
留言列表
