一支公行街
王敏德當日一支公喺跑馬地行嚟行去，神色自若，自由自在，完全不受偷食醜聞影響。
媽咪姐
王敏德繼續 free
王敏德同馬詩慧公認係圈中模範夫妻、模範家庭，一家五口勁融洽，不過冇貓係唔食魚嘅。近日王敏德被傳與一位長髮女子「有路」，乖乖佬形象即時大打折扣，不過老婆馬詩慧就對老公絕對信任，開到口力撐老公：「唔信得過就走咗好耐，點會有 20年？同埋個女仔我都識嘅。」
得到老婆嘅信任當然開心，可以繼續無拘無束嘅生活。早前媽咪姐撞到王敏德，佢一支公喺跑馬地行嚟行去，最後去咗 Starbucks飲咖啡，生活不知幾 free。不過最奇怪係佢離開時突然四圍望，仲要鬼鬼祟祟去攞車，完全唔似佢平日大方嘅作風喎。
次次要我出嚟撐，唔撐得幾多次喎。（設計對白）
馬詩慧話長髮女子係圈外人，唔想多講，但係絕對相信老公王敏德，更力撐一男一女去某地方唔代表係私會，而且老公食娛樂圈飯，有異性緣即係好事。聽落有道理喎。
鬼祟四圍望
王敏德戴上黑超攞車，更刻意回頭四圍望。唔通怕人跟蹤？
全站熱搜
留言列表
