囡囡係都要玩，翁虹同朋友一人一邊秤起佢玩盪鞦韆，真係少 啲臂力都唔掂。
同你吟一吟
翁虹五歲百厭女
因為工作，近年經常京、港兩邊走 嘅翁虹，早排帶埋五歲囡囡 Crystal放假返香港，節目當然唔少得行街 shopping。
行銅鑼灣，翁虹滿載而歸，店員仲做埋咕哩，幫手攞住一袋二袋去停車場，當日翁虹仲有個朋友同行，但都要勞煩店員，情非得已，翁虹囡囡太活躍，拖實媽咪同 auntie，又跑又跳，仲要秤起佢盪鞦韆，百厭過男仔。不過咁，女大十八變，過多十年八年，隨時化晒妝兼執埋樣，大勢所趨，一啲都唔誇張。
去到人多地方， Crystal聽話唔再玩，但以防萬一，翁虹要店員幫手攞嘢去停車場。
全站熱搜
留言列表
