《雷霆掃毒》穿崩徐子珊線人變明星 



不少巴士車身都有徐子珊幫服裝品牌拍嘅廣告。


由林峯、官恩娜和徐子珊擔正嘅無綫劇《雷霆掃毒》，連埋噚晚嗰集，唔經唔覺已經播咗18集，不過大家似乎已經唔太關注劇情，亦唔想知究竟林峯同苗僑偉（三哥）點樣聯手掃毒，皆因成班阿Sir做嘢拖泥帶水，捉極都捉唔到大毒梟，都唔知點解改個名叫「雷霆」。不過讀者都搵到佢哋嘅樂趣，就喺搵穿崩位嘞！事關幾乎集集都有穿崩位同不合理情節，分分鐘好過玩「雷霆數獨」喎！



徐子珊喺無綫劇《雷霆掃毒》扮線人，混入黑社會攞料。劇照 

點解苗僑偉同樊亦敏背住鏡頭？係咪因為見到徐子珊嘅廣告（箭嘴示）呀？電視圖片 服裝廣告礙眼

前晚播出嘅第17集又出事嘞，話說徐子珊喺劇入面扮演線人，混入黑幫幫警方索料。其中一幕講到三哥保護緊飾演歌手嘅樊奕敏，其時有狂迷向樊亦敏施襲，機警嘅三哥即時以身護駕。不過重點唔係呢度，而係一架停低咗嘅城巴入鏡，巴士車身廣告居然係徐子珊幫服裝品牌拍攝嘅廣告！雖然鏡頭一閃而過，但其實都好礙眼囉！
不過無綫班編劇一向估你唔到，唔排除佢哋喺向已故波蘭電影大師奇斯洛夫斯基套《兩生花》、又或者日本片《NANA——世上的另一個我》致敬？又話唔定呢個係伏筆，原來徐子珊飾演嘅角色，其實就係徐子珊！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄