笑晒露墊
輸人不輸陣，本週一台慶夜，高 Ling帶定 3套戰衣踩入電視城同徐子珊鏈過。訪問時更彎腰笑晒，忘形到胸墊都露埋，真係風騷。
今年 6月，本刊踢爆 25歲無 綫「咪神」高海寧，飛甩旅行社太子爺 Andy，黐掂富豪搬金居，真正飛上枝頭。
除了身光頸靚，豪換 30萬寶馬新車外，高 Ling更忽然受無 綫力捧，今年已拍攝 5套劇集，拍得住楊怡、鍾嘉欣等花旦。原來，半年前高 Ling已被無 綫老闆「殼王」陳國強點燈，成為新一代殼女郎，踢走徐子珊坐正，更有幕後人員爆料，指高 Ling的新花名叫「老闆娘」，電視城內個個忌佢三分！
細 7年大 1 cup
綵排時面阻阻，到正式開騷，子珊同高 Ling依然零溝通。話晒高 Ling細子珊 7年，只得 25歲，身材又勁啲，大敵當前，子珊當然冇笑容啦！
私下叫「老闆娘」
知情人士說︰「高 Ling份人好目標為本，所以入行咁耐，都只係黐 啲姐仔玩，花 𡃁仔真係埋唔到佢身，最近 TVB入面個個都講緊佢，除 咗突然爆騷外，聽聞佢同殼王行得好埋，監製想有劇開？唔該搵個角色畀佢先。」
一向以胸掛帥的高 Ling，早前在訪問中，暗示不用再靠露，而過往角色多數做「小三」的高 Ling，直至《天梯》三姨太一角，終於有機會從良，仲一嘗「做戲」滋味。知情人續說︰「個角色擺明係益高 Ling，明眼人睇到有晒部署，幕後有人私底下叫佢做「老闆娘」，家吓無論飲食、遊戲、旅遊節目，實有高 Ling份，入到屋易搞好多，仲使露咩！」機會大增，高 Ling亦即刻斬纜，向 Andy提出分手；反而徐子珊就與小生緋聞傳唔停。
05年，由葉璇開始，殼王先後和郭羨妮、佘詩曼和近年的徐子珊傳緋聞，殼王口味亦似乎愈來愈後生。而兩位先後被點燈的女星，竟安排在本週一台慶同一環節表演。徐子珊更要拍住高 Ling、黃智雯、朱晨麗、岑麗香等新紮姐仔合作，似有點降呢。
「子珊演技好過我」
知情人士說︰「子珊點會放高 Ling在眼內 吖。就快頒獎禮，子珊係大熱視后，點敢喺呢個時候扭計？大家都睇實呢台戲。」高 Ling除了跟苟芸慧及龔嘉欣等大跳勁舞外，更會跟徐子珊合演《女神愛上網》環節，高 Ling在台慶擔綱 3個表演環節，成為女藝員之冠，錫到出面。
本週一（ 19日），記者於台慶舉行前夕問高海寧與殼王緋聞。
F：《 FACE》高：高海寧
F：聽講你最近成為殼王新寵？個個叫你做老闆娘？
高：吓？邊個講？我都未見過佢……我意思係我唔識佢，呢個傳聞太荒謬。高老闆？我打工 㗎咋，邊有人咁嗌我，我 𠵱家叫高 Ling。
F：你今年巴閉啦，又多劇拍又多活動。
高：係添哥（李添勝）搵我，其實我 function少 咗……多 嘅係苟芸慧同岑麗香。
F：同子珊熟嗎？
高：我哋排呢個表演項目，排 咗成個月。
F：你後生過佢，身材好過佢喎？
高：（得戚笑）但佢演技好過我喎！
《名媛》真人版
個個被姦先好笑
二世祖施暴
明年上映的新劇《法網狙擊》內飾演見習檢察官，被飾演二世祖的白健恩強姦。白要對高 Ling又拉又扯，更要打開高 Ling幾粒衫鈕，畫面應該幾震撼。
輪姦一秒
於《雷霆掃毒》內被李家鼎為首的黑社會成員輪姦，可惜輪姦鏡頭只有一秒，而且並冇埋身肉搏，被高登網民大彈「冇料到」！
婚前搞過
留言列表
