黃智賢0提名插冇公理
去年台慶頒獎禮最佳男配角黃智賢，於《雷霆掃毒》演出備受激讚，獲睇好今年冧莊，可惜在率先曝光的入圍名單中，他竟十強都不入，令向來好好先生的他扯火怒插無綫！
雖然《萬千星輝頒獎典禮》十強入圍名單今日較後時間才公布，但本報收到可靠消息，視帝大熱林峯、黎耀祥、鄭嘉穎、黃宗澤悉數入圍；視后依然是徐子珊與楊怡之爭。但盛傳極有機會與同樣贏盡民意的「蘇基」古明華、「彭三順」陳國邦問鼎最佳男配角的「潘Sir潘學禮」黃智賢（Ben），竟然十強不入，叫人一地眼鏡碎！其他入圍「有份」陪跑男配則有岳華、蔣志光和林子善等。
依過往慣例，今日公布的入圍名單會由去年得獎者揭曉，如今Ben慘成炮灰，勢令他內心不是味兒。記者昨日致電Ben，當知道冇份角逐任何獎項，Ben由寂靜變得鼓譟：「真係好詫異！失望當然有啦！我唔知準則係乜？今年一人一票講公道、講民意，依家我冇份入圍，真係唔知公道何在？如果潘學禮都唔入圍，公理何在？」
監製叫攞過唔好爭
愈說愈火的Ben更反問自己是否已升呢男主角：「如果唔入男配，咁我係咪男主角？曾經有監製講話我上年攞過，今年唔好爭！視帝都可以冧莊，點解男配角唔得？」他更狂插：「依家將我嘅機會白白攞走，連選都冇得選，機會都唔畀我！潘學禮呢個角色十強都唔入，我絕不相信！公道？！」《雷》劇監製林志華對Ben落選男配，同樣感失望：「好愕然同失望，本來諗住投佢一票，公司選十強嘅機制我都唔清楚，係咪大家覺得佢係主角而Miss咗男配角呢?其實佢係男主角，大家都睇到佢嘅努力。」
楊怡揚言有獎唔怕傷
同劇的子珊得悉Ben零提名，驚訝地說：「吓？無論點都好，Ben有份參與呢套劇，惟有一齊爭最佳劇集！（安慰佢？）咁大個人唔使，前輩嘛，佢明o架喇！」而昨日她與「死敵」楊怡出席活動，強調沒有不和：「今次係同楊怡傳爭視后後第一次合作，之後都有好多機會，冇所謂啦，搵錢啫！成日都有呢啲新聞（指惡性競爭），但我哋係良性，唔會影響工作，總之唔使咁執着，唔好畀咁大壓力我！」而楊怡對於前晚缺席台慶，她表示因右腳骨裂未康復，故在家中休息：「公司叫我唔好郁咁多，今日只係因為簽咗約先出嚟！」問會否擔心缺席台慶影響爭視后機會？她說：「唔會！」又強調即使「行唔到」，亦會出席下月頒獎禮：「呢個一定出席，如果有獎，趷都趷上台！」
祥仔贏獎收視百分百
至於曾冧莊視帝的黎耀祥，行運到腳趾尾，不只於台慶贏走一百萬獎金獎品，他得獎一刻收視率更達100%，高達36點，成為全晚之最，對此他說：「會請食飯，大家都戥我開心，可能係啲運氣一次儲埋畀我！」但強調奪視帝絕不靠運：「視帝唔講運氣，因為今年一人一票！」
專案組
黃智賢全力以赴做到最好，換來卻是零提名，唔嬲勢係假！
徐子珊笑言不用安慰於《雷》劇「一夜夫妻」的黃智賢。
楊怡前晚缺席台慶，昨日則要負腳傷出席活動，都話搵錢緊要啦！
陳茵媺升呢爭女主角，與「坐」她的男友陳豪睇齊。
旺開巷的祥仔贏巨獎後，不少人爭住摸沾旺氣。
爭視帝的黃宗澤以誇張尖胸賀台慶玩餐飽。
林峯（左）同黃智賢一個大熱入圍一個倒灶出局。（資料圖片）
黃智賢怒插TVB：公理何在！
台慶頒獎禮入圍名單率先曝光！盛傳在《雷霆掃毒》奸到出汁的黃智賢（Ben）冧莊男配角高唱入雲，但十強男配名單連世紀大冷岳華和蔣志光都榜上有名，就是Ben被閹掉，還被安排今天公布男配入圍名單，難怪他慶過辣雞怒罵無綫：「到底公理何在！」
黃智賢在前晚的台慶中落力表演，但昨日得知冇份入圍男配角提名後，即慶爆怒斥無綫漠視民意。
無綫今日官方揭曉《萬千星輝頒獎典禮》十強入圍名單，本報昨日收到可靠消息，視帝大熱林峯、黎耀祥、鄭嘉穎、黃宗澤悉數入圍；視后依然是徐子珊和楊怡困獸鬥，陳茵媺更起孖有份提名最佳女主角和配角。入圍名單看似正路波，但盛傳極有機會再奪最佳男配角的黃智賢，竟十強不入，真係搞到一街都係眼鏡碎。
Ben在《雷霆掃毒》演繹「魔警」潘學禮一角奸到無倫，網上討論區已預計今年「男配」離不開古明華、陳國邦和他三人之爭，Ben大有機會繼去年憑《潛行狙擊》奪「男配」後首次冧莊。可是在率先曝光的入圍名單中，連岳華、蔣志光、林子善都有份，硬生生把Ben閹掉，冇份在今年一人一票的新制度中成為公投候選人。
有網友鬧爆金剛被迫吃「二手飯」一幕。
林穎彤的舞衣突然斷帶。
親揭名單 殘忍無奈
最弔詭是依過往慣例，由去年的得獎者揭曉今屆入圍者，變相令Ben今年落得拍手和戥人高興份兒，記者昨日致電他時，得悉當知道冇份角逐任何獎項，Ben由愕然變得鼓譟：「我真係好詫異，失望當然有啦！我都唔知準則係乜，今年一人一票講公道、講民意，依家我冇份入圍，真係唔知公道何在？如果潘學禮都唔入圍，公理何在？」Ben更反問自己是否已升呢男主角故「被閹掉」，他怒斥：「如果我唔入男配，咁我係咪男主角呢？曾有監製同我講話上年都攞過，今年唔好爭！我覺得視帝都可以冧莊，點解男配角唔得？」他更愈鬧愈慶狂插：「依家將我機會白白攞走，連選都冇得選，連機會都唔畀我，如果同潘學禮呢個角色十強都唔入，我絕不相信，公道？」
子珊驚訝 監製失望
同劇的子珊驚聞Ben冇份角逐男配後即「吓？」一聲，之後說：「點都好，惟有一齊爭取最佳劇集！（會否安慰Ben？）咁大個人唔使啦，前輩嘛，佢明o架喇！」《雷》劇監製林志華對於Ben失落「男配」提名亦失望說：「好愕然同失望，公司選十強嘅機制我都唔清楚，其實大家都分唔到佢喺劇中係男主角定配角，我就覺得佢係男主角，大家都睇到佢嘅努力。獎係重要，但最緊要係公司之後畀乜機會佢！」
採：影視組
文：專案組
楊怡徐子珊 未鬥視后先鬥行頭
楊怡和徐子珊兩位「視后」大熱昨日一起出席活動。論行頭，子珊以500萬鑽飾低胸上陣較楊怡優勝。前晚因腳傷而缺席台慶的楊怡，昨日卻穿高跟鞋出席活動，她表示公司也想她休息多些，前晚亦有收看台慶節目，包括陳豪扮她的那個環節：「好多part都好好笑，子珊嗰part都有睇，（冇出席怕唔怕影響視后賽果？）唔擔心，我會積極拉票，志在參與。」楊怡又表示一定會出席台慶頒獎禮：「有獎攞我『兀』都『兀』上台！」她又強調與子珊沒惡性競爭，同場不尷尬。
此外，入圍視后的佘詩曼昨日出席活動時也稱有收看台慶，並透露明年會返無綫拍劇。問她有否信心贏楊怡及徐子珊再奪視后？阿佘表示：「有信心同攞獎係唔成正比嘅，佢哋兩個都做得幾好睇。」
至於另一位候選視后陳茵媺昨日出席活動時表示自己有任何提名都開心，問她會支持楊怡還是子珊？她謂：「唔揀得唔得？到時先啦！（視帝揀陳豪？）我好鍾意佢，但都好鍾意祥哥（黎耀祥），（唔驚陳豪呷醋？）都冇話唔投佢一票。」
陳茵媺與佘詩曼（圖）昨日各自靚靚現身，力爭聲勢爭視后。
陳茵媺
香香叫三飛喜出望外
「香香公主」岑麗香憑劇集《巴不得媽媽》人氣急升，獲無綫重用力捧上位，據知今屆無綫台慶頒獎禮上香香更有幸角逐三個項目，包括「最佳女配角」、「飛躍進步女藝員」及「我最喜愛的電視女角色」，得悉入圍的香香大感喜出望外：「自己都冇預料到，因為我仲係新人，有人支持當然開心，有冇獎都好，依家有人支持已經好滿足，拍劇時都冇諗到咁好反應。」香香的「飛躍進步女藝員」對手包括其好姊妹茍芸慧、黃智雯、樂瞳及龔嘉欣；「飛躍進步男藝員」方面則是羅仲謙、梁烈唯、金剛、蕭正楠及王浩信之爭。
香香備受力捧，難怪昨日出席活動時心情大好。
黎耀祥「雙100」帶旺視帝運
有份角逐「視帝」寶座的黎耀祥，在前晚台慶中抽到總值100萬元的獎金獎品，其獲獎的一刻，收視率更高達100%及36點，可謂「百分百視帝」！祥仔得獎後揚言會請食飯：「我一向冇頭獎運，今次儲埋一次過畀我。（帶旺視帝運？）呢啲嘢講實力，唔係講運氣。」
另外，王祖藍前晚因見到偶像廖偉雄而激動流淚，並在微博解釋因見偶像現身支持而太感動。至於近日被網友熱捧的無綫小花林穎彤熱舞期間，其舞衣的右邊吊帶突然斷開，幸好未有走光，她亦堅持繼續表演。通訊事務管理局昨天收到22宗關於台慶的投訴，主要指浪費食物、教壞小朋友等，而曾志偉餵金剛吃「二手飯」一幕同樣成為網友鬧爆。
台慶頒獎禮提名名單
最佳男主角：
黎耀祥《大太監》
劉松仁《名媛望族》
胡杏兒
陳國邦
蕭正楠
林峯《雷霆掃毒》
江美儀
簡慕華
羅仲謙
樂瞳
陳豪《天梯》
馬國明《On Call 36 小時》
黃宗澤《護花危情》
馬德鐘《飛虎》
郭晉安《東西宮略》
鄭嘉穎《拳王》
黃浩然《拳王》
最佳女主角：
徐子珊《雷霆掃毒》
楊怡《名媛望族》
胡杏兒《怒火街頭２》
米雪《大太監》
佘詩曼《天與地》
陳茵媺《天梯》
鍾嘉欣《護花危情》
陳法拉《東西宮略》
周麗淇《我的如意狼君》
汪明荃《巴不得媽媽》
最佳男配角：
陳國邦《大太監》
岳華《大太監》
王浩信《名媛望族》
林子善《怒火街頭２》
黃德斌《天梯》
古明華《巴不得媽媽》
羅仲謙《On Call 36 小時》
蕭正楠《當旺爸爸》
梁烈唯《缺宅男女》
蔣志光《護花危情》
最佳女配角：
陳茵媺《大太監》
江美儀《名媛望族》
岑麗香《巴不得媽媽》
黃智雯《缺宅男女》
苟芸慧《怒火街頭２》
胡定欣《拳王》
羅蘭《天梯》
郭少芸《造王者》
簡慕華《心戰》
韓馬利《回到三國》
飛躍進步男藝員：
羅仲謙
梁烈唯
金剛
蕭正楠
王浩信
飛躍進步女藝員：
岑麗香
苟芸慧
黃智雯
樂瞳
龔嘉欣
（排名不分先後）
留言列表
