安室即使俾保安重重包圍，但都攝到位同一班守候嘅傳媒微笑，同初出道經常黑面嘅佢差好遠。
媽咪姐
安室帶旺保安業
今年 34歲嘅日本天后安室奈美惠，出道廿年仲咁人氣爆燈，難怪佢要搞個巡迴宣傳嚟慶祝吓。其實呢個宣傳旅程都促進唔同國家嘅經濟。好似佢上周殺入香港短短四日，除咗創造過百個保鑣職位外，單係夜闖蘭桂坊一轉就已經使咗十萬，認真誇張。
安室上周四（ 5日）就由香港進攻新加坡，據講保安費就花成百萬港幣。當日佢抵達新加坡樟宜機場，現場保鑣多過 fans，遮晒一班嚟接機 fans嘅視線。除咗落機釀成混亂外，安室行街亦大陣仗，喺烏節路掃貨時，就有兩名保鑣貼身保護，另外四名保鑣負責開路，酒店房外仲有四名保鑣 24小時實。安室除咗係天后，仲係一班保安嘅米飯班主。
過度護花
喺機場禁區入面，一班保安同工作人員已經開始圍住安室。
天后辛苦晒
由機場行足幾分鐘至上到車，難怪安室坐低後，即刻撥吓頭髮唞一口氣。
全站熱搜
留言列表
