有睇中醫調理身體嘅舒淇，面有血色，同一般圈中女星唔化妝變青面鬼，差得遠。
同你吟一吟
素顏舒淇頭髮當口罩用
一個有甄子丹、舒淇、導演王晶同劉偉強坐埋一齊嘅飯局，人腳似傾合作，點知錯晒！
上星期六（七月二十八日）晚，《壹》仔收到風話上述人等喺尖沙咀海港城食日本菜，但去到見到甄子丹兩公婆，帶埋囡囡同外父外母，仲有姨仔汪圓圓同男友蔡加讚一齊，冇可能傾公事！十居其九，係同之前一日（二十七號）生日嘅宇宙最好打補食飯慶祝。
朋友約食飯，舒淇、甄太汪詩詩同胞妹汪圓圓都冇化妝，真面目示人。見到《壹》仔候駕，舒淇人急智生，一個唔該將自己把長髮當口罩用，好搞笑！
鎮定啲！閣下嘅素顏相當見得人，攞滿分！之但係，當晚甄子丹同王晶都攜眷出席，點解你唔叫埋馮德倫呀！
見到記者影相，冇化妝嘅舒淇急到將長髮當口罩。
好友管小姐、劉偉強陪落樓上車，舒淇擰後揮手同其他人拜拜。
甄子丹搭住姨仔汪圓圓男友蔡加讚行，十足一家人。
壽星話每年生日，有老婆汪詩詩陪住過，就係最佳禮物。
食到十一點幾先散，舒淇同汪詩詩邊行邊傾，甄子丹拖住囡囡跟後。
帶埋老婆嚟，可見王晶同甄子丹交情不淺。
全站熱搜
留言列表
