上個禮拜，朋友同 Paco打火鍋預祝生日，壽星師傅上身，現場做撈麵。
同你吟一吟
Paco扑中彭浩翔
拍戲會上癮除咗係演員口頭禪，做電影投資亦一樣！樣辦人有黃栢高，由早喺金牌年代嘅《殺破狼》開始，賺少蝕多，但 Paco依然冇有怕，繼續搞戲。
嚟緊八月上畫，由「當老行」彭浩翔做導演嘅新片《低俗喜劇》，係 Paco過檔太陽娛樂文化後嘅出品，電影早排做咗幾場神秘場，有業內人睇完同八珍講，話 Paco終於有部戲係有機會賺到。有行運彭浩翔坐鎮助運，加埋七月二十九日 Paco六十二歲牛一，仲有八珍預祝旗開得勝！喜喜喜，呢鋪掂呀！
《春嬌與志明》香港收得，大陸差啲過億，擅捉年輕人口味嘅彭浩翔（右），已經有票房保障。
彭浩翔做導演嘅《低俗喜劇》由杜汶澤、薛凱琪孭飛，製作成本唔貴，但要三級上畫，對票房難免有一定影響。
全站熱搜
留言列表
