試衫期間發現有記者，冇化妝 嘅趙薇依然笑笑口，仲試多幾件衫俾記者影到夠！
同你吟一吟
趙薇打友誼波贏周迅
傳聞拍《畫皮 2》拍到踢 櫈幾乎大打出手 嘅趙薇、周迅，上個禮拜前後腳來港。早排兩位「好姊妹」唔願同台宣傳新戲，今次 嚟香港亦校 啱時間，唔會撞口撞面。
有你冇我！上個禮拜四（八月二日），周迅 嚟香港宣傳新戲《聽風者》，繼續否認同趙薇不和，至於拍唔拍《畫皮 3》？周迅話暫時仲未知。
《畫皮 2》內地大收 7.1億人民幣，電影公司打晒鑼拍第三集，聽聞今次會飛起唔幫手做宣傳 嘅周迅，用誠意留低聲稱冇期接《畫皮 3》 嘅趙薇。
周迅麻煩，相比趙薇就易話為得多。上個禮拜二（七月三十一日），趙薇自由行中環 ifc買秋冬衫，明知有記者影相，依然笑晒又冇黑面。買完衫，行出嚟又俾記者影相，仲報晒料話 嚟香港度假兼 shopping。
兩個都係國產頂級一姐，趙薇十個好相與。
主力買新到秋冬裝，趙薇試衫試到露 bra帶甩底褲。
响 city’super買 咗一大袋零食， shopping又有戰利品，趙薇放假使錢心情靚爆。
有期宣傳《聽風者》，但冇時間宣傳《畫皮 2》 嘅周迅，唔肯講實會唔會拍《畫皮 3》，傳聞佢已經俾人飛出局，電影公司打算搵李冰冰、范冰冰加入做新角色。
全站熱搜
留言列表
