人人有童心，加上近期一齣電影《賤熊30》（Ted），更喚起不少人埋藏已久的童真，亦令可愛的啤啤熊再次成為焦點。電影中的Ted既是小朋友的最愛，就連大朋友都被它真實又抵死的性格迷倒，還變得cute（音Q）起來。

東源大地總裁王嘉恩（Albert），不只對電影題材讚不絕口，更一早已是「Dream Bear」一族，他還慨歎市面上還未有原裝正版的Ted玩具熊出售，他QQ的說：「如果真係推出Ted公仔，我一定會即刻買返屋企收藏。」

在Albert粗獷的外形下，實為一名擁有超過四百隻「啤啤」的Kidult，最Q。

坦言揀選熊公仔一定要合眼緣的王嘉恩，每次購買熊公仔都是親自揀選，絕不會到網上購買。

帶套護熊

因為習伊賀派忍術而有「忍者熊」（Ninja Bear）之稱的Albert，由二十八歲開始正式搜集啤啤熊公仔和擺設，至今已有十多年之久。現時他家中已收藏了超過四百多隻不同款式、產地及物料的啤啤熊，「其實熊嘅性格好特別，表面看好可愛，不過當佢哋受敵時，就自然會做出恐武有力嘅反抗，其實同我自己嘅性格都好相似，可能呢啲就叫做性格反射啦！」

訪問當日，Albert特別以七、八個紙箱，從家中運送了過百隻啤啤熊到場，他說：「我總共有四百幾隻，真係帶唔晒嚟，呢度只係四分一的收藏咋。」

這批Steiff泰迪熊系列，全是王嘉恩的家人於每年其生日時送給他的，極具紀念價值。

現場所見，Albert對其收藏的熊公仔，極之愛護。除了先以消毒藥水清潔現場環境外，他還帶上手套後才把熊公仔從箱內拿出，珍而重之，「因為熊公仔啲毛，一旦整污糟就好難清理，所以每次我觸摸佢哋，都必定會戴上手套。而且每一至兩年我就會同佢哋清洗一次，以前會帶佢哋去乾洗，依家就方便好多，只要喺屋企steam吓就OK。」

Albert坦言，以前只要看到合心水的啤啤熊就會購買回家，「以前買啤啤熊是我一個嗜好，只要看到合眼緣，我就會購買回家。不過近兩年就唔同，我會主攻盒裝的限量版小熊擺設，比如銀製、水晶製以及玻璃製造的，想預留更多空間去收藏更多喜歡的熊仔。」

熱愛熊公仔的王嘉恩，除了收藏公仔擺設，就連恤衫的袖口鈕和領呔，都有大量熊公仔圖案，可見他愛熊的程度是多大。

這隻大啤啤熊，是王嘉恩的契妹專程於英國買給他的生日禮物。「當時收到真係好開心，佢仲特登買埋條Dunhill呔畀佢戴，好搞笑，依家我將佢放在屋企的按摩椅上。」