黃浩「做錯嘢嘅人諸多事實」 黃浩 憤怒了　法律解決

■黃浩近日是非纏身，他表示一切交律師處理，不欲太太徐淑敏擔心。
資料圖片

徐淑敏老公黃浩經營的食肆被爆有藝人吸毒，店中閉路電視拍下有關片段，黃浩直認警方已聯絡要求交出證據。與此同時，曾是熟客的徐濠縈前日忽然在網站貼上黃浩的照片，陳冠希和李璨琛老婆梁志瑩留言鬧爆，黃浩的底線被踩，他昨不忿說：「做錯嘢嘅人仲諸多事實。」

徐濠縈前日在社交網站Instagram貼了徐淑敏老公黃浩的大頭相，李璨琛老婆梁志瑩留言鬧爆黃浩說：「職業：傷人，嗜好：博見報，副業：做人渣中之敗類。」經陳冠希轉貼再揶揄一句「PK」，火上加油下，黃浩不甘被誹謗，決意對簿公堂，琛嫂的Instagram昨日即把自己頭像換了一隻腳。

電話紀錄交律師

黃浩前日表示若人身安全受威脅，昨日會報警求助，他昨日即聯絡了律師商討有關細節，黃浩昨日在電話中說：「我同律師商量咗單case交畀佢哋處理，律師話要準備證據，甚至乎人證，同以前嘅電話紀錄要交畀佢。無端端辣着啲小人，我不如交畀專業人士處理。」
黃浩誓要討回公道，他餘怒未消說：「我要攞番公義，我冇做錯嘢，反而做錯嘢嘅人仲諸多事實。」有關人等可有再託第三者來調解，黃浩說：「我今日喺律師度唔開得電話，有好多留言，暫時仲未聽到。」

■陳冠希（中）和李璨琛老婆梁志瑩日前齊齊在Instagram留言揶揄黃浩。互網聯圖片 

■徐濠縈前日無端端貼了黃浩的相上網，令他大為不滿。互網聯圖片

有指黃浩的食肆閉路電視拍下廂房中有藝人吸毒的片段，警方已聯絡他要求交出作證據，他說：「警方係有聯絡過我，但內容同要求就唔方便透露。」黃浩的是非有否令太太徐淑敏擔心？他說：「我叫佢唔好擔心，亦唔好理，我嘗試大事化小，對方唔肯，仲將攻擊提升，我冇氣再去拗撬，交晒畀律師處理。」
採訪：丁寧

黃浩然讚乖阿佘封嘴

張慧雯涉嫌藏毒被捕，一眾藝人得悉此事後大表驚訝，其中一同拍攝新劇《師父‧明白了》的藝員黃翠如、黃浩然、麥長青、許亦妮及更張頴康都力撐她是一名乖乖女，希望她大步檻過！

黃翠如︰唔係呀嘛？我只見過佢一次，唔識佢，不過覺得佢好靚、好迷人，希望件事係誤會！（同佢有冇對手戲？）暫時都冇，之後唔清楚。（呢排有好多藝人吸毒嘅傳聞？）我成日覺得呢啲係傳聞，以為大家睇自己身邊朋友好健康，我連夜生活都冇，過嘅係阿婆生活。

黃浩然︰好突然！見過兩次、傾唔夠十句，不過佢幾有禮貌，冇特別異樣，喺我印象入面佢係一個乖乖女。（希望佢冇事？）當然希望！始終係同事，不過呢啲唔輪到我哋決定。（近期多藝人吸毒？）唔覺得淨係呢排特別多，不嬲都有。（引誘你？）未試過，我身邊人都知我係咩人，引誘我都冇用。

麥長青︰咁似拍戲啲劇情！（震驚？）我都呆一呆、醒一醒，雖然同佢唔熟，不過覺得佢好開朗，好活潑。其實藝人係公眾人物，應該時刻警惕自己，我連煙都唔食，酒都少飲，以身作則。

許亦妮︰有啲咁嘅事？之前出騷都見過佢，不過喺我心中佢係一個好Sweet、幾乖嘅女仔，我唔覺得係真，希望係誤會！（聽聞有圈中人吸毒？）實有！不過只係傳聞，唔知係咪真！

張頴康︰覺得佢好有禮貌，試造型見過佢，希望佢冇事！

佘詩曼：呢件事好難回應，都係交番畀警方處理好啲。（娛圈引誘多？）以我嚟講冇喎！我拍劇咁忙，又瘦成咁，再有人搞（引誘吸毒）會死o架！

朱咪咪：未合作過！藝人吸毒當然唔好，我以前有個親戚因為吸毒搞出好多問題，所以我對吸毒極之反感，飲酒都可以為開心，但吸毒係為咩呢？

黃浩然

黃翠如

佘詩曼

黃浩不忿被「踩」擬告貼文者誹謗

黃浩（Kenny）日前自爆其開設的餐廳有圈中人涉及不當行為，牽連甚廣！徐濠縈日前在Instagram上載一張Kenny的相片，身為其好友的李璨琛太太即留言支持，對Kenny作出批評及指摘。Kenny隨即在社交網站回應，大肆還擊，雙方交惡勢成水火。

記者昨日聯絡Kenny，他表示已與律師商討，計劃入稟法院控告有關貼文者誹謗，他說：「以前我一直免佢哋汽水錢，但佢哋最後一次嚟我舖頭，侍應唔知就照單計數，收佢哋10罐汽水，都係180蚊啫，點知佢哋嘈到拆天！」Kenny前天表示原定昨日到警署落口供，但因要蒐集證據，預計最快今天才會與警方會晤。

而記者昨日嘗試聯絡徐濠縈，她卻表示不想回應此事。

黃浩被踩嬲爆話告

黃浩（Kenny）日前自爆聲稱有圈中人在其飯店涉嫌不當行為，惹來不少評論。徐濠縈日前在instagram上載了Kenny的照片，被人轉發後李璨琛太太留言對Kenny作出批評。Kenny得悉後大發雷霆，在自己的社交網站回應大肆反擊。

昨日Kenny怒氣未消，他向記者表示已徵詢法律意見，打算入稟控告貼文者誹謗，且自揭恩怨：「以前我一直免佢哋汽水錢，但佢哋最後一次嚟幫襯我舖頭時，侍應唔知照單計數，收佢哋十罐汽水，都係180蚊啫，點知佢哋嘈到拆天。」Kenny前天向記者透露原定昨日到警署落口供但最終改變初衷，聲稱因要蒐集證據最快今日才能成行。另方面記者昨亦有致電徐濠縈，她封口表示不想作回應