「我係一個幾隨緣嘅人。」張繼聰在訪問中不只一次提及到。

外表新潮、不羈，但其實他比一般父親更老練、更傳統，認為家庭的幸福生活比任何名利更重要。

遑論太太謝安琪是「高登女神」，兒子張瞻（James）備受注目，童星出身的張繼聰也自比是普通人，最享受的不是獎項與地位，而是一家三口溫馨吃飯、逛商場。

張繼聰，不要求兒子考第一，只想發掘其興趣所在，加以培育，「呢個世界有好多種第一名，我想我個仔識得點樣接觸其他嘅第一名，識得將課本嘅知識應用喺生活上，識得點樣同人相處、合作，先係最重要。」

早前，張繼聰與兒子張瞻一同出席英國服飾品牌的活動，父子檔壓軸行天橋，張瞻毫不怯場，還擺出勝利的手勢。

價值觀

張繼聰剛剛推出全新EP《We Are The One》，繼續高唱「大愛」，將全球一體性的正面思想傳揚開去，道盡人與人之間的互愛與尊重，他說：「我覺得呢種嘅生活態度令自己好自在，好值得同樂迷分享。」

談及「大愛」，張繼聰滔滔不絕，論到五歲多的兒子張瞻，他會心微笑，彷彿由一個熱血的大男孩，變成不怕肉麻的慈父，他帶笑着說：「有咗小朋友之後，個仔淨係攬住我，已經覺得好溫馨，原來做父母最好玩嘅係，真係唔使做啲乜嘢o架，我偷望佢已經好sweet；有時佢瞓咗覺，我好似啲變態佬咁坐喺度望住佢十五分鐘都得，個感覺好奇怪，好精神錯亂。因為呢個生命係我有份去創造出嚟o架喎，應該咁講，我覺得幸福呀！」

張繼聰嚮往一家三口逛街、吃飯的溫馨生活，因此也經常帶同兒子出席動畫電影的首映禮。

張繼聰認為，沒有任何事物比家庭生活更重要。隨着兒子逐漸成長，他更需要多點時間去陪伴和教導，「因為個仔依家開始建立價值觀，有好多課題，其實真係需要父母同小朋友花多啲時間去探討。譬如：最近一次，個仔參加咗學校一個馬拉松籌款活動。之前一晚，我聽爸爸講，佢緊張到瞓唔着，咁第二日，我就特登早啲起身輔導吓佢。其實我好希望佢遇到任何事都保持住唔緊張嘅心態，因為佢有比拼嘅心，所以先會緊張，講真，食幾多着幾多整定嘅，唔係你搏就有囉。反而係你應該點樣去享受嗰件事，用盡自己嘅能力去做好呢一件事，唔好因為要叻過人而搏命，咁會好痛苦，所以我從來唔需要個仔考第一。」

張繼聰表示，兒子張瞻跟他一樣充滿喜劇細胞，而且喜歡唱歌表演，欣賞演唱會變成一家人的最佳娛樂。