【尖沙嘴】高登男神陳展鵬同女神鍾嘉欣前晚11點幾喺尖沙嘴幫TVB電視劇《巨輪》開工，套戲嘅時代背景大概係90年代初嘅香港，所以佢哋兩位男、女神嘅打扮都好懷舊，最連戲嘅就係陳展鵬攞住大水壺手提電話，睇嚟TVB今次都做過吓資料搜集，唔再係是是旦旦。
【今日我至濕】高登男神陳展鵬咀女神鍾嘉欣只係維持咗十秒，咀完之後男嘅即刻問女嘅：係咪OK，夠晒溫柔。
【身體語言】喺人造雨下製造出90年代嘅浪漫氣氛，嘉欣睇嚟好投入。
【電眼撻火】DV圖片
【面珠試位】先錫面再錫嘴嘅陳展鵬，表現得好純熟同溫柔。
前後兩次廿秒
因為場戲係講陳展鵬喺雨中搵到喺電話亭避雨嘅嘉欣，所以現場安排兩位工作人員喺度造雨自製浪漫。未埋位嘅時候，展鵬不停同嘉欣度面位同嘴位，原來佢哋拍嘅係一場咀嘴戲。試咗兩次到正式拍攝之前，見到嘉欣非常有公德，不停喺度咬香口膠，費事一陣有口氣係人都怕咗你。導演叫開機嘅時侯，展鵬先錫嘉欣塊面跟手就咀落去。當叫停時展鵬好細心幫嘉欣撥水同問佢「係咪OK」，之後再拍再錫就搞掂。前後都係錫咗兩次，每次10秒左右，冇乜點蝕底，如果再錫落去高登仔一定為女神出頭，去TVB電視城抗議都有份。
模仿《旺角卡門》電話亭經典戲 鍾嘉欣陳展鵬 雨中激吻
鍾嘉欣與陳展鵬前晚在尖東拍攝無綫新劇《巨輪》。首次兩人先在公園拍攝談情戲，之後才拍攝下雨戲。該場戲是講兩人因為避雨，而走到電話亭暫避，兩人因在狹窄的電話亭情深對望，繼而便情不自禁的親嘴。
其實《巨》劇的背景是在九十年代，所以見嘉欣及展鵬的髮型、服飾也是九十年代的。而這一場戲便有點像當年劉德華及張曼玉，拍攝電影《旺角卡門》的電話亭激吻戲，這場激吻戲真的是非常之經典。觀看展鵬的一身造型也跟當年華仔的牛仔褲、皮褸Look 近似，而嘉欣的一身打扮也跟張曼玉在劇集《新紮師兄》有點類似。
由於是在尖東拍攝外景，現場吸引了好多市民圍觀。由於是現場收音及拍攝，當中有不少市民紛紛拿手機及相機拍照，因當中有市民用了閃光燈拍照，所以要再重拍，也令現場的工作人員非常之勞氣，因市民的不合作，而阻礙了拍攝。之後當嘉欣到商場的洗手間，展鵬也顯出紳士風度陪她一同去。
兩人不是很熟
這次是嘉欣首次跟展鵬合作，看得出兩人並不是很熟，因不用埋位時兩人也沒有傾偈，在場有嘉欣數名粉絲，當不用拍時，嘉欣便走向粉絲跟他們傾偈，不知兩人是否怕傳出緋聞，所以也盡量保持距離。該場親嘴戲也拍了兩次，問兩人事前有沒有做好口腔清潔，嘉欣表示：「我有食香口膠。」見展鵬拍完第一次咀時有點尷尬。兩人之前也有試位，首先由男先錫女仔面，之後再嘴對嘴。
留言列表
