密密追
Edison 6月頭約女模 Janine及成班 friend去尖沙咀睇《普羅米修斯》，當晚 Edison仲當護花使者，扯火鬧記者。《蘋果日報》照片
渴女症
忽傳娶大陸有錢女 Edison挑逗 Juno舊愛
無女不歡的 31歲陳冠希（ Edison），自 08年淫照事件後，以為佢會知驚修心養性做乖仔，與拍拖多年的千金楊永晴（ Vincy）修成正果，點知去年 10月又流出同 16歲 𡃁模羊面獸 Cammi（謝芷蕙）的床照，重口味令佢再次成為「女性勿近」的雜食男。
週一（ 27日）， Edison忽然被傳媒指佢早在 3年前和內地富家女王思喬玩隱婚，不過本刊收到可靠消息指， Edison對 6月被撞破一齊去睇戲的 Juno舊愛 Janine（戴庚玲）追唔停手，日夜 WhatsApp、電話連番挑逗冧女攻勢，誓要追到為止，咁咪即係又踏住幾船？
《志明》過鏡
傳同 Edison一齊隱婚的王思喬，由於都係藝人，故冇公開「陳太」身份，而「陳太」曾拍過不少作品，多為二打六角色， 10年在《志明與春嬌》過鏡，唔留心逐格睇，好難認得出佢！
「正印」冠希嫂
網上圖片
有指 Edison對內地富家女王思喬一見鍾情，女方不但樣靚身材正，更是內地的上市集團老總的千金。
陳冠希（ Edison）的集郵淫照事件發生至今 4年多，自從去年 Edison與楊超成女兒楊永晴分手，即回復雜食本色，速嗒 16歲 Cammi及中台 𡃁模，唔愁餓親，認真死性不改。
據消息指 Edison經常以 WhatsApp挑逗 Janine，一時話好掛住，一時話好想見到佢，係女都冧，不過 Janine例外。
合作撻着
Janine 08年為 Juno的〈寫得太多〉 MV做女主角， 2年後撻着，今年 Edison搵 Janine做旗下品牌 CLOT的廣告 model，合作完後死纏女方。
拖 Vincy嗒千金
有傳 Edison與王思喬的婚姻始於 10年，而 Janine與 Juno亦於 10年 6月正式拍拖，不過雙 J戀只有 9個月貨仔玩完。《蘋果日報》照片
週一（ 27日）有報道指 Edison與北京富家女王思喬已經秘婚 3年，兩人是在朋友的生日會上認識，拍拖半年就跑到外國秘婚，女方更為內地上市集團老總千金，家族企業涉及金融、地產、珠寶、酒店等，更指 Edison為富家女重新做人，安分守己。
雖然報道指 Edison喺 10年已婚，但 Edison曾經講過話同拍拖 5年的 Vincy喺 11年 5月分手，照咁計 Edison同一時間一腳踏兩船喎。
死纏前龍嫂
雖然 Edison無端被傳已婚，但據知 Edison最新目標鎖定 Juno（麥浚龍）舊愛、 30歲的中女混血模 Janine。據知情者說：「 2個月前被傳媒踢爆 Janine同 Edison睇戲，之後 Edison再約 Janine， Janine都唔敢出去，不過 Janine估唔到 Edison會起勢 WhatsApp佢，有時仲會直接打畀佢示愛，即使 Edison𠵱家喺 L.A.都密密 send message畀佢，話「 Miss you, wanna see you」，而 Janine明知 Edison份人，所以都冇乜理佢。」
本刊週一（ 27日）致電 Janine問佢知唔知 Edison結婚一事，佢話：「吓？我唔知道呀！（咁 Edison係咪成日 WhatsApp你吖？）我唔回應啦， bye bye！」聽到「陳冠希」個大名，都係敬而遠之為妙！
雜食千金 𡃁模
Edison溝女無數，由早年位位超班靚女，如張栢芝和鍾欣桐等，直到同 5年女友 Vincy甩拖後，就變得雜食，目標擴至中、港、台三地。
Vincy
《壹週刊》圖片
楊超成女兒，於 06年開始同 Edison拍拖，有樣有家底有學識，直到 10年 Edison公開結束 5年情。
Cammi
網上圖片
10年 10月當時只有 16歲，聲稱因唔見電話而流出同 Edison的慾照，搞到 Edison差啲衰十一。
湯唯
Edison 7月時曾 2度將湯唯的照片上載 Instagram，公開表示欣賞湯唯，但湯唯似乎唔多領情。
Maggie Q
兩人相識已 12年，曾為緋聞男女朋友的 2人，月前 Edison上傳同 Maggie Q頭貼頭合照，態度親密。
新台妹
Edison喺 Instagram上載得最多、至少出過場 3次係呢位台灣新女 Angela Meng，兩人月前在 L.A.時，在一遊樂場玩時拍照留念。
留言列表
