林書豪雖已貴為 NBA籃球巨星，但來港期間一直極為親民，上週五（ 24日）出席 K11舉行嘅活動時，仲抱起個細路仔一齊玩，其實自己都係一個大細路。
FBI
媽咪爆料 林書豪撼頭埋牆
望到頸都長，終於等到美國華裔 NBA巨星「林瘋」即林書豪（ Jeremy Lin）嚟香港， FBI梗係好似班粉絲咁，由上週三（ 22日）到港，跟住出席商場活動都跟到貼。
週日（ 26日）， FBI仲專程走去位於長沙灣嘅恩福堂，聽林書豪出席嘅《生命灌籃》基督教佈道會現場直播。當日男神提到成名前喺 NBA坐冷板一年嘅時期，係佢人生低潮，曾諗過放棄籃球，好彩得信仰帶領下，繼續堅持先得到今日成績。
除咗人生哲理，會中亦播出一段林書豪同豪媽吳信信接受訪問嘅片段，片中豪媽就大爆林書豪細個時都曾經唔聽話。原來小書豪每次想要一樣嘢，如果豪媽唔畀佢，書豪就撼頭埋牆扭計，試過一次書豪又撼頭埋牆，點知激起豪媽把火，索性用手捉住佢個頭撞落牆，搞到書豪都驚咗阿媽。自此以後，書豪就算扭計都唔會再撼頭埋牆喇。
週日（ 26日），林書豪出席《生命灌藍》佈道會，分享自己打籃球嘅高低起跌經歷，不過就冇提及任何愛情問題；而會中亦播出一訪問片段，片中豪媽爆響口話書豪細個扭計時，鍾意撼頭埋牆嘅壞習慣。
佈道會於亞洲博覽館舉行， 1萬 1千張免費門券一早派清光，而位於長沙灣嘅教會恩福堂亦作電視現場直播，一樣吸引過千市民捧場。
林書豪細個經常扭計，但豪媽唔賣佢賬，但住喺台灣嘅嫲嫲就錫到佢燶，所以每次嫲嫲到美國探書豪，嫲孫都會糖黐豆。
上週四（ 23日）係林書豪 24歲生日，佢喺自己 fb爆當晚同屋企人一齊去咗歎日式鐵板燒慶生，唔只喪食龍蝦，廚師仲即場用蛋碎等食材砌卡通公仔祝佢生日快樂。
全站熱搜
留言列表
