左起：小倩
屬性：懂事、善解人意
梅子
屬性：熱血、活潑
瑤瑤
屬性：害羞、溫柔

今日好玩嘢

Cafe新 trend　飛走女僕玩妹系

2012年08月29日 ~~ 第275期 Face

心理學大師佛洛依德講戀母情意結，日本動漫文化承繼先人遺志發掘更多人性情意結，先有蘿莉控、姐控，近來就有一大堆兄妹親情作品大玩妹控（控，模仿日文發音，取自情意結英文 complex一字的發音）。家陣日系樓上咖啡店唔只玩女僕執事，今期輪到 P Cafe應潮流首創妹系 event，店員 着晒居家服招呼哥哥姐姐，試過你就知阿妹有乜好！

互動片段

直擊 Cosplay Cafe實況

妹妹比女僕易投入

今次搞妹 cafe嘅負責人小倩覺得妹系 cafe係保留 cosplay cafe嘅故事性而得 嚟，佢 哋亦更易同客人交流。佢話：「參考過日本同台灣 嘅女僕咖啡店，覺得香港店員比較難投入做到女僕或者執事角色，要唔喪笑咁講『主人你返 嚟喇』其實好難 㗎！所以諗到如果用妹系 嘅話會比較自然同投入。出 嚟效果都唔錯，更重要係男女客人都可以玩得盡興，唔會話女仔覺得抗拒。」


冇接觸
為 咗避免身體接觸，妹妹會好似女僕咖啡店咁，唔坐落位，只係跪 喺旁邊，絕對規矩。


個性設定
每個妹妹都有個性設定，好似梅子（左）就較熱血好動、瑤瑤（中）較怕醜、小倩（右）就善解人意，負責人話主要請人時揀唔同 嘅人，唔會叫佢 哋扭曲自己。


平時正常
平時 P Cafe係普通樓上 cafe，妹妹唔會長駐，想同妹妹玩就要留意佢 哋 喺 fb公布最新動向。


着校服
除 咗居家服之外佢 哋亦曾經 着過校服，不過都會 着毛毛拖鞋，盡量營造家居感覺。

奴 Comment

欣賞 cosplay
女僕 Cafe我就冇去過喇，不過據我所知都係一門學問，我會欣賞佢哋花咁多心思去 cosplay。至於妹妹聽落有啲怪，但如果做到女僕 cafe咁認真都會支持嘅。

P Cafe

地址：旺角豉油街 24-26號福泰大廈 11樓 AB室
電話： 3568 8410
妹系 event：不定期舉行
最新動態留意： http://www.facebook.com/pcafehk

妹控正經勿心邪

講番日本妹妹熱潮，大家唔好一聽到就諗埋 啲法庭版劇情，其實好多妹系作品都冇過火情節。要數最 hit阿妹一定係總銷量勁賣過 330萬冊 嘅輕小說《我的妹妹哪有這麼可愛》，本書講述處於代溝年紀 嘅兩兄妹，因為哥哥發現妹妹 嘅御宅秘密興趣，表面上阿妹繼續藐視阿哥，但阿哥就捱義氣幫佢守秘密，鬧出唔少趣事，屬親情喜劇，切勿心邪對待。

《妹妹公主》

可以話係妹系先鋒，本來係雜誌特備企劃，設計 咗 12個妹妹角色出 嚟，每期獨立登場講吓妹妹台詞咁。不過改編成動漫後就不得了，主角海神航堅有 12個妹妹，劇情相當脫離常理。

《我的妹妹哪有這麼可愛》

輕小說作品，後改編成漫畫、動漫亦大受歡迎。眾多妹系作品中兄妹之情比較細膩 嘅一套，加上妹妹桐乃既有腐女，又有驕傲 嘅性格而大受歡迎，成為近年大熱作品。

《就算是哥哥，有愛就沒問題了，對吧？》

《我的妹妹哪有這麼可愛》大熱後如雨後春筍推出 嘅妹系作品之一，講述年少時分開 嘅兄妹長大後回到同一屋簷下 嘅故事。一開始就講妹妹姬小路秋子迷戀哥哥，鹽花味較重，多黃色笑點但都屬點到即止程度。

當個好哥哥
直擊妹系 cafe有乜玩

講 咗妹控熱潮咁耐，咁究竟上到妹系 cafe究竟有乜玩呢？我 哋就帶 咗動漫迷傑仔，試吓由入門口開始，呢位哥哥點同班妹妹交流啦！

1入門講家規

入門口一按門鐘，妹妹就出 嚟打招呼，仲會話：「哥哥你唔記得帶鎖匙啦」夠晒入戲。入去之前會先同客人講吓家規，例如唔准掂妹妹、唔准問妹妹拎電話，如果唔守規矩妹妹就嬲 㗎喇！

2玩遊戲有獎

妹妹會主動同哥哥姐姐交流，玩吓遊戲傾吓偈咁。 Cafe入面亦有唔少 board game，連傑仔最鍾意玩 嘅足球機都有。輸 咗妹妹會打你手板，贏 咗就幫你按摩，夠晒賞罰分明。

3食物夠可愛

再試叫 嘢食，原來都有故事設定，話妹妹 喺家政堂學到新菜色煮畀哥哥食，但都要畀零用錢 㗎！食物賣相令人驚喜，咖喱豬扒飯有幾塊紫菜扮熊貓，點心拼盆成個架上，好有手作自家製風味，係幾窩心 嘅。


妹愛甘味咖喱飯$80


甜甜的洋 菓子$98

4曲奇送你走

最後埋單都有獨家妹妹語送客，好似話：「哥哥夠鐘帶狗仔小白散步喇！下次再同妹妹玩喇！」等你找數畀零用錢都順氣 啲。臨走前可以憑同妹妹玩遊戲贏得 嘅拍照券影番張寶麗萊，仲送你愛心曲奇餅一包，由頭到尾都咁 sweet。

一日哥哥傑仔：妹妹夠細心

做 咗一日哥哥 嘅傑仔就覺得妹妹 cafe比女僕咖啡店多細心位，比較易投入。「最欣賞佢成個流程都有故事設定，例如畀錢叫畀零用錢， menu同家規又好畀心機用手畫，客人都比較易入戲玩埋一份。」

女僕 cafe新搞作

除 咗新興妹系咖啡店，原來傳統女僕咖啡店呢期都有唔少特備節目。好似開業 3年 嘅 Matsuri Cafe近日就搞 咗個夏末祭，女僕們 着晒日本傳統浴衣，夠晒日本夏祭感覺。店長藍藍仲不時同日本、台灣、廣州三地 嘅女僕咖啡交流，原來各地都有唔同趨勢。




好認真咁參考過日本人 着浴衣工作時會用 嘅綁帶，可見 Matsuri Cafe比較注重專業形象。


仲有日本祭典特色遊戲玩，好似用紙條釣水球，筆者試過幾難玩 㗎！

Matsuri Cafe

地址：旺角彌敦道 578-580號恆隆大廈 8樓 44室
電話： 9575 1707
夏末祭日期：即日至 9月 3日

各地特色
香港起落大

Matsuri Cafe好努力推廣女僕文化，既有同廣州店交換店員交流，又會同日本 嘅 Maid Cafe交換制服。

香港普遍對女僕形象比較負面，加上店員亦較難投入角色，所以女僕 cafe數目雖多，但轉手或倒閉都好普遍。因此 Matsuri Cafe就傾向走英式女僕風，注重多 啲禮節，叫客人做先生唔叫主人， 着長裙唔 着短裙，希望畀人專業感覺，印象正面 啲。

日本萌系當道

秋葉原大型 Maid Cafe好似「@Home」咁，有成 7、 8層，又有唔同活動， AKB搞舞台表演都係抄佢 哋。

日本本來都係英式風起家，後來秋葉原開始走可愛萌系風格，稱呼客人做主人，用「你返 嚟喇」取代「歡迎光臨」等對白，有 啲甚至有女僕舞台表演。萌系其實都好有學問，但其他地方要模仿日本女仔咁入戲就好難。

台灣、廣州發展快

廣州有名 嘅魚子女僕店，佢 哋就走可愛系風格。

台灣社會風氣比較接受女僕咖啡店，所以發展幾成熟。廣州就起步較遲，不過發展好快。可能台灣同廣州搞 Maid Cafe嘅人同香港一樣冇咁商業化，能夠有英式同萌系兩派並存。

撰文：司徒港燊
攝影：黃家活
模特兒： Kit J