跳到主文
部落格全站分類：偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
2012年08月30日 ~~ 第1173期 香港《壹周刊》
名人活動夠唔夠氣勢，好多時要睇嘉賓夠唔夠分量。嘉賓夠霸氣、夠豪氣，或夠是非，活動自然有人講！
賭王四太仔何猷君得十七歲，但少爺脾氣十足，週日帶西班牙籍女友 Francesca及妹妹何超欣睇港姐決賽。他拿着入場券負責搵位，但搵極都搵唔到，發晦氣搵工作人員幫手，「有無位㗎？」發火就有位坐，何公子果然有辦法。
上週五，周大福在君悅搞珠寶展，星島集團主席何柱國亦來湊熱鬧。有錢人買鑽飾，一兩卡又點睇得上眼，所以他一來就睇五至八卡的黃鑽，價錢由八十多萬至百多萬不等。問他諗住送俾邊個？佢笑笑口話：「無蝕底，睇吓 嘢。」
趙世曾兒子趙式浩，上週六晚出席時裝設計師何國鉦和香拉合辦的婚宴展覽。去年榮升做爹哋的他，被問及幾時和女友好事近？他卻說：「適當時候先，遲早有一日。」咁 啱當晚嘉賓，仲有他的前度女友羅苡之和未婚夫陳志健（左圓圖），三人同場兼同 枱，被前度搶閘，趙生說：「每個人都有過去，我當然恭喜佢 哋。」
上週三，合和實業在九展舉行四十周年慶祝酒會，主席胡應湘廣發英雄帖，猛人包括特首梁振英。曾提名唐英年當特首，臨選前疑似轉軚梁營的胡主席，是日憂心重重，講真咁高興 嘅日子，酒會偏偏玩低調，謝絕傳媒採訪。據了解，是因為有嘉賓唔想見到傳媒，咁邊個會咁惡 吖？
撰文、攝影：名人組mailto:nextb@nextmedia.com
TVB娛樂八掛週刊雜誌大分享☆
tvb4life 發表在 痞客邦 留言(0) 人氣()
留言列表
留言列表
