BIGBANG除咗多港女鍾意，㗎妹更當佢哋神咁拜，你睇勝利同久保杏奈唱完 K，久保幾肉緊啜佢？《蘋果日報》圖片
CIA
日模爆 BIGBANG勝利未上床
K-pop男團一哥 BIGBANG嘅 21歲成員勝利呢排認真多新聞，繼早排有疑似同佢玩「一晚企」 嘅女子公開勝利 嘅床照後，上星期二佢 嚟香港拍《金田一少年之事件簿》期間被爆撻 着日模久保杏奈，仲被影到半夜 喺灣仔唱完 K後又攬又啜。事後佢所屬經理人公司 YG entertainment只係咁意解釋久保杏奈只係佢 喺《金》片 嘅同事，所以二人一定冇 嘢，不過一眾粉絲當然唔信啦，仲不斷問 CIA究竟佢 哋有冇再進一步喎!
CIA索到，其實 BIGBANG一向喜愛夜蒲，有同佢 哋 喺日本蒲過 嘅二五更同 CIA講，佢 哋每次例必酒池肉林， 5個成員坐低即有最少 50個日本妹輪住上陪玩，而勝利就同久保 喺日本 嘅夜場由久保 嘅契哥介紹識。雖然二人當晚咁親熱，但久保就向身邊 嘅好姊妹堅稱佢 哋未上床（係未咋，即唔排除將來會囉！），仲話出來夜蒲攬攬錫錫冇乜大不了。
至於 YG更唔會因為呢單 嘢而雪藏勝利，事關 BIGBANG正進行世界巡迴演出，冇 咗勝利唔掂，況且 BIGBANG一向唔係走開純情偶像路線，成員大成之前涉嫌撞死人都冇事，結論就係韓仔不壞、粉絲唔嗌，所以勝利絕對可以放心繼續玩。
上週四久保杏奈出席一個時裝騷嗰陣大讚勝利可愛。 CIA仲聽聞佢哋第一晚被狗仔隊影咗相後，第二晚照蒲，一啲都唔避忌。
BIGBANG將於 12月 8日殺入香港博覽館開騷，本月 20日開始賣飛，有粉絲提早一星期擔凳仔排隊，負面新聞根本對佢哋全無影響。
CIA真係好想提提啲男星偷食或者玩「一晚企」完事後千祈唔好瞓着，你睇勝利咁就被「一晚企」女伴有相為證，肉酸囉。網上圖片
撻得着 BIGBANG是但一個成員簡直係畢生最大成就。久保咁主動，勝利都即刻攬吓佢回禮。《蘋果日報》圖片
留言列表
