媽咪姐
王菀之餅印父女
王菀之（ Ivana）出身自歌唱世家，老竇王帆同媽咪馮志麗都係業餘歌唱家， Ivana亦遺傳 咗父母 嘅音樂天份，作得又唱得。幾年前王爸爸心臟有事要做搭橋手術， Ivana擔心到不得了，專登請長假照顧老竇，兩父女感情超親密㗎。
王爸爸身體已經冇大礙，仲成功減肥㖭！不過依家大部分時間都喺美國生活，久唔久先喺香港探 Ivana，早兩日見佢兩父女喺中環文華東方酒店大堂出現，仲一齊欣賞藝術品。原來王爸爸當日就要返美國喇！孝順女 Ivana送佢去機場，睇見呢對餅印父女咁 sweet，媽咪姐突然有感而發，要對爹哋再好啲先。
王爸爸同 Ivana一樣藝術細胞豐富，唔止對音樂，佢 哋對酒店大堂 嘅藝術品一樣咁欣賞。
王爸爸早年心臟有事做過手術，好番之後身體壯健，仲清減 咗唔少。上的士時佢輕扶阿女，好彩佢哋睇樣就知係兩父女，唔係實俾人誤會囉！
我同爹哋最似樣。（設計對白）
全站熱搜
留言列表
