句句金
句句金
黎芷珊接受專訪時，被問到點解拍親拖差唔多都係姊弟戀？佢笑住答：
我係貪靚仔，靚仔一定係後生仔嘛，我條命又 OK，靚仔又 OK我！
絕對贊同兼欣賞芷珊姐姐!邊有人唔鍾意靚仔㗎？如果靚仔 OK我，媽咪姐都十分極之咁 OK㗎！
最近林峯要去橫店趕拍葉璇投資嘅武打古裝劇，被問到擔唔擔心又傳緋聞，佢就咁話：
驚我緋聞表唔夠 full咩，吖，應該唔係呢個 full，而係『枯』先啱。
嘩，林公子你咁講，即係話葉璇會令你「枯」啫！小心得罪「米飯班主」喎。 
台灣《蘋果日報》圖片
早前，周杰倫帶小女友昆凌同阿媽一齊睇戲，散場時遇到追訪，佢刻意急煞車又衝紅燈撇記者。周生日前就咁解釋：
這次行為對社會的確有壞示範，自己本來就容易衝動，沒打他（記者）
算不錯了。
阿周杰倫先生，咁嘅行為分分鐘搞出人命，衝動並唔係大晒嘅！ 
冇見一輪嘅陳松伶又現身電視城做表演嘉賓，自爆因身材肥胖，所以全日無食嘢，佢仲話：
唔驚餓暈，最怕醜樣到暈。
講得好有道理呀！之不過，睇松松姐姐嘅身形，絕食一日都幫唔到幾多喎。 
有報道話諸葛紫岐老公薛嘉麟喺 Neway失勢，佢就咁樣解畫：
屋企冇人燉冬菇，炆好味啲，老公好忙，少見面，我俾人影到自己睇戲，好淒涼。
媽咪姐唔係大廚，唔敢講冬菇係咪要炆先好味！但就好肯定，適當時候講少兩句嗰啲，先係好老婆囉。 
全站熱搜
留言列表
