大口林柿
人 哋話男兒口大食四方，女仔口大就……得五呎三吋高嘅楊狄珊，着住成套喱士內衣出 嚟，但都唔夠佢個血盆大口搶眼！再 zoom近啲，佢面上嘅粉，令人諗起林柿上面嘅石灰，同樣一撻撻，好「隨意」囉！
媽咪姐
攞你命亞姐
一向冇乜底線嘅亞視從來都以騎呢取勝，周一（ 15日）又 喺總台搞咗個「亞洲小姐」港澳賽區首次面試。媽咪姐去湊熱鬧時，就到評判嘅羅霖喺正式面試前，齋睇班女仔嘅資料已經打咗好多個交叉！大會話今屆需要「身高」、「智商高」同埋「學歷高」喎，但都要班候選佳麗本身質素高先揀到 㗎！
楊狄珊俾傳媒話皮膚黑似菲傭，自稱做 model嘅佢嬲到震，喺 fb澄清話自己其實唔係想選亞姐。咁呢……但楊小姐你真係去咗面試喎！再睇埋張 profile相，媽咪姐發現網絡「騙案」真係愈嚟愈多呀。
「痣」索係你
擁有 34吋上圍嘅袁婉青認真胸懷大「痣」。努力夾出事業線嘅佢，加上一出場就係咁拗腰騷身材，「痣」搏係你！
豬肉供應商
啲肉多到震震吓嘅黃美雲，縮咗肚都成隻白白豬咁，連林偉辰都不禁讚佢有「健碩」嘅身形，羅霖就奉勸佢就算唔係去選美，為咗健康都要減一減！
全站熱搜
留言列表
