滾熱辣
陪睇騷湊 Lucas 栢芝精壯新歡曝光
謝霆鋒及張栢芝離婚後，曾多次傳復合，不過，霆鋒態度一直企硬，最近在黎芷珊主持的《最佳男主角》中，更自爆最愛王菲。
深知復合無望的栢芝，最近原來暗地裏發展新戀情。新歡是年約三十多歲的中年男子，兩人撻 着冇耐，早前栢芝更帶埋 Lucas及新歡「一家親」睇騷。其間新歡對栢芝母子照顧無微不至，更親手抱 Lucas去洗手間。 冧得掂 Lucas的精壯新歡，離開時更坐埋栢芝保母車返回女方寓所。
心情靚靚的栢芝拖住 Lucas入場，而新歡則帶頭行先，栢芝上樓梯時，新歡伸手想拖栢芝，但眾目睽睽下，栢芝本能縮手。
新歡體貼地抱住 Lucas去廁所，栢芝則尾隨，甚有「一家人」 feel。
Lucas離開後，栢芝與新歡玩得更 high，兩人更玩埋自拍。
離場時，新歡尾隨栢芝，急急腳步入停車場。兩人齊齊上了栢芝保母車，返回女方半山香閨。
與霆鋒辦清離婚手續的栢芝，最近終於重新投入戀情。新歡年約三十多歲，身高 5呎 9，身材健碩，對栢芝的一對寶貝仔愛護有加。「栢芝好緊張兩個仔，佢曾經話要追佢 嘅男人一定要錫佢兩個仔，否則幾好都冇用。」知情者說。
11月 4日晚，栢芝與新歡及 Lucas到紅館睇草蜢及軟硬演唱會。他們趁開場熄晒燈時才進場，避開記者耳目。
栢芝一行人坐在紅館第二排，新歡深知栢芝是軟硬 fans，更預早為栢芝準備螢光棒。其間， Lucas人有三急，只見新歡純熟地抱住他去洗手間，湊仔甚有一手。十時許， Lucas開始扭眼 瞓，栢芝 call了司機先帶 Lucas離開，自己則繼續與新歡睇騷。
祝福佢囉。（真實對白）
本刊周三（ 28日）向栢芝前度奶奶狄波拉提及栢芝新戀情，拉姑表示祝福栢芝，但一說到栢芝呻霆鋒冇俾贍養費，拉姑卻不作回應。
離場時，栢芝知道有記者在場，於是叫好友李浩林先行步出，人肉遮擋鏡頭。
栢芝與葉佩雯本來份屬好姊妹，但早前因葉母為栢芝美容院打骰鬧意見，令二人關係惡化，葉佩雯近日出嫁，栢芝寧願溜冰都唔出席。
Lucas離開後，栢芝大解放，與新歡衝出台邊，又叫又跳，狀甚興奮，栢芝更忘形與對方玩自拍。不過，栢芝被蔡一傑邀請上台時，新歡好識做，立即閃開冇入鏡，並在台下為栢芝狂拍照。
完騷後，新歡尾隨栢芝離場，更急步攝上栢芝的保母車，本刊尾隨跟蹤，栢芝的司機不停踩油擺脫採訪車。之後，保母車左穿右插下，返回栢芝半山寓所世紀大廈。記者等到凌晨二時，仍未見新歡離開。之後數天，本刊在栢芝寓所等候，栢芝幾次叫司機駕車兜來兜去，試探有沒有採訪車，擺明玩調虎離山。
「栢芝自從同葉佩雯反 咗面，已經好少出 嚟蒲，成班 friend都估佢瘟緊仔。不過佢早排呻爆，話養仔、養屋企同供樓，一個月要使百萬，又呻霆鋒冇俾贍養費。」知情者說。
本刊致電當晚有份陪栢芝離去的李浩林，他表示：「佢哋（栢芝同精壯新歡）係識咗好多年嘅朋友，個男仔係圈外人。」至於栢芝經理人 Emily就辯稱：「你講 嗰個男仔係李浩林朋友 嚟。（栢芝狂呻霆鋒冇俾贍養費？）咁霆鋒都認栢芝冇收過佢一蚊，只係共同分擔囝囝學費同生活費。」不過睇騷當晚，「精壯新歡」一直黐實栢芝，反而與李浩林未見交談，又隔兩個座位坐，呢個解釋頗為牽強。
愛情得意的栢芝，事業卻愈見插水，就連早前內地國慶黃金周檔期上映的《危險關係》，拍住章子怡同張東健等巨星，但僅收九千萬票房，部戲億二成本，扣除發行費實收唔夠三千萬，蝕到入肉。
霆鋒栢芝雖然離婚，但依然齊齊湊仔，今年 9月兩人就被拍下帶 Lucas到深灣遊艇會游水，但講到復合，霆鋒就強調冇咁嘅事。《蘋果日報》圖片
霆鋒接受黎芷珊訪問時，剖白一生最愛的是王菲。為他要生要死的栢芝聽到，唔心死就奇！
新片票房仆
而香港票房一樣仆，《危》片 11月 15日在港上映，截至周日（ 25日），十日票房實收 12萬。成為票房毒藥的栢芝，不僅令電影商卻步，連帶商場騷都大減，聖誕檔期亦只接了幾個活動。
儘管事業插水，但有愛情滋潤的栢芝，近日心情大靚。早前在訪問中談到感情世界時，她說︰「很相信（愛情），從來沒有放棄過。」被霆鋒數度 hurt爆的栢芝，難得對愛情依然充滿憧憬，屢敗屢戰！
冇部收得
留言列表
