我哋齊齊食大茶飯啦！﹙設計對白﹚
薛凱琪與方大同傳足幾年緋聞，兩人感情要好，難怪 Fiona要扯方大同入新公司。《蘋果日報》圖片
娛聞樂
Paco公司招兵買馬 薛凱琪扯方大同做自己人
近日有傳因澳門黑道猛人尹國駒（綽號崩牙駒）刑滿出獄，令他身邊七位有關連的人物被港澳警方列入調查名單。其中最令娛圈關注的，是由「金牌經理人」黃柏高（ Paco）打骰的太陽娛樂文化，其幕後大老闆，正正係崩牙駒的頭馬、綽號「洗米華」的周焯華。
雖然是非纏身，但卻無損 Paco繼續大展拳腳招兵買馬的大計。據知， Paco一直吼實實力派歌手方大同，而一早加盟 Paco旗下的薛凱琪，趁緋聞男友即將約滿華納，近日游說對方加盟。據知 Paco願以 500萬包薪兩年利誘方大同。若挖角成事，到時方大同和薛凱琪又可日對夜對、再續前緣。
簽方大同要同好多人爭。﹙真實對白﹚
自去年成立的太陽娛樂文化，旗下歌手不多，只有陳奐仁、新人陳僖儀、小肥及剛剛過檔的薛凱琪。早前 Paco投資杜汶澤、彭浩翔拍《低俗喜劇》，成績不俗，鄭中基更因此奪得金馬獎「最佳男配角」，起步不錯。
電影輕易搞掂，音樂方面 Paco亦準備大展拳腳。可是日前卻傳出 Paco與公司幕後老闆、澳門賭場「太陽城集團」掌舵人周焯華，一同捲入港澳警方 𥄫實的七人調查名單中。忽然成為港聞版主角的 Paco在電話中表示：「太陽城集團同太陽娛樂文化嘅業務運作係完全獨立，係兩間公司。」問到周焯華是否太陽娛樂文化幕後老闆時，他卻沒有正面回覆，只說：「我入行 30幾年，從來唔做唔正當事。」
撼贏 E臣
孖實約會
薛凱琪與方大同感情要好，經常被拍到約會。年初，本刊便拍得兩人甜蜜買眼鏡，當時 Fiona笑得含春如熱戀女仔。
「方大同多人爭」
雖然是非纏身， Paco仍繼續設法擴大公司版圖。據知近日他繼續招兵買馬，向實力派歌手埋手，而剛巧方大同還有半年便約滿華納，一直與方大同傳緋聞的薛凱琪（ Fiona）趁機做中間人，游說在大中華均具知名度的方大同給 Paco。據知今次 Paco出手闊綽，以 500萬包薪兩年，並承諾兩年出 3唱片，及作歌自由度全權由方控制，引誘十級大。
據知情人士透露：「在公在私，阿 Fi（薛凱琪暱稱）同大同都好有默契，以前喺華納，佢兩個已經成日孖公仔 jam歌，大同作親啲歌俾阿 Fi都 hit。阿 Fi離開華納，最唔捨得就係大同。依家難得有機會，阿 Fi梗係想佢過新公司陪自己啦！」
對於挖方大同過檔，起初 Paco堅決否認：「冇冇冇，真係冇。」但其後又忽然轉口風說：「其實方大同仲未約滿㗎！（你咁清楚？）咁我都會留意佢呢啲有實力嘅歌手！（會唔會考慮簽佢？）佢咁多選擇，我都要同人爭㗎！佢係一個好好歌手，大陸同台灣都 OK，好難搵。（傳聞你出到 500萬挖佢？）佢咁有潛質，真係唔可以用錢嚟衡量。」縱使否認，但看來 Paco對方大同志在必得。
有傳 Paco公司幕後老闆是周焯華，巧合地周氏任董事長的旗下公司大部分是以「太陽」字頭命名。而每逢澳門賭場太陽城集團有慶祝活動，周焯華（左二）總負責帶領祝酒，地位超然。今年《低俗喜劇》祝捷，杜汶澤識做地捉實有傳是幕後老闆的周焯華合照。
《壹週刊》圖片
千萬挖梁漢文
周二（ 27日）薛凱琪出席商台活動回應記者，「佢（方大同）好有想法，唔使人操心。但簽新公司等於結婚咁大陣仗，佢要慢慢考慮。」對於被指做中間人，她沒直接否認。
另一邊廂， Paco秘密以一千萬包薪兩年，利誘亦師亦友的梁漢文過檔太陽娛樂做一哥。據知與金牌大風還有三個月約的梁漢文，自金牌變動後，一直不受重用。公司曾承諾替他出國語碟，但一直只聞樓梯響，拖足兩年，令梁漢文日漸心淡，因此早萌去意。
日前出席好友 Eric Kwok婚禮的梁漢文，被本刊記者問到會否受恩師 Paco利誘過檔，他只說：「係有傾過，不過呢排忙搞農曆年嘅 Big 4演唱會，未深入咁傾。不過 Paco係個好好老闆，同佢工作好開心。」
Paco對此則表示：「 Edmond（指梁）呢排好忙啦，等佢忙完先，我只可以講依家大家磋商緊，有好多嘢仲要深入傾。（你出到成千萬俾佢喎！）所有好嘅歌手都係無價嘅！」
停滯不前
梁漢文近年的歌唱事業停滯不前，當年是由恩師 Paco拉攏加盟金牌大風，但近年因金牌大風多番人事變動，平均一年出一張唱片的他，因公司不夠宣傳而影響銷情，往往銷量不過萬，樂壇頒獎禮又沒有獎項。
如今 Paco重金招手，梁漢文當然無任歡迎。 
留言列表
