林祖輝孭一個袋、工人姐姐手抱大女煦錡，仲加一個大袋，而當日主角、囝囝 Kyros就由嫲嫲（紅衫）抱住。一個 BB影相，全家出動，巴閉咯。
媽咪姐
BB影相勞師動眾
上期媽咪姐出咗輯龍年明星 BB相，其實呢輯親子相喺上個月影㗎啦。拍攝當日，媽咪姐去湊熱鬧，就撞到唔少龍 B爸媽上去夏永康柴灣個影樓。話時話，輯相睇嚟好簡單，事實攝影嗰個要落功夫，被影嘅都好大陣仗。就講姚嘉妮同林祖輝兩公婆，當日除咗佢哋外，同行嘅仲有工人姐姐及祖輝媽咪。
第二日再去睇吓，又見到陳自瑤母女同文頌嫻母女，仲撞到待產嘅周家蔚㖭。
周家蔚呢張相，完全表現到一個「最美麗的媽咪」。
洪天明雖然冇陪老婆周家蔚去影樓，但就有嚟接老婆補番數。
𡃁妹文頌嫻影完後，喺等老公揸車嚟接期間，同媽咪姐講，話囡囡似足爸爸，仲講笑話要同姚嘉妮對親家。
王浩信一收工，即由將軍澳撲去柴灣接陳自瑤同囡囡。夠晒頻撲。
全站熱搜
留言列表
