我唱歌就叻 啫，邊識做兄弟喎！(設計對白)
Eason拎住枝喇叭都玩得一餐，放完 喺耳又放 喺個嘴度，十足十大細路。
媽咪姐
Eason爛玩兄弟
唱作人 Eric Kwok同葉佩雯 喺上個禮拜五(23日)結婚一周年 嘅大日子補擺喜酒，請 咗唔少圈中人到賀，新郎哥仲叫埋一班老死做兄弟。
偷入會場 新郎眼濕濕 多謝老婆葉佩雯
講到邊個兄弟最爛玩，其實都唔使媽咪姐講。以往出親 嚟都自動 hyper嘅 Eason，當日夠膽死遲成粒鐘去接新娘。避過「食屎」厄運 嘅佢，去到現場急急腳同新郎哥耍過 冧後，又回復癲喪本色。原本新郎哥安排 咗佢跟新娘花轎去新郎家，媽咪姐眼見一眾兄弟出盡力去抬，唯獨 Eason一個匿 喺後面整古做怪，一時拎住個喇叭掉轉放 喺嘴度，一時放 喺耳度，搞到班記者猛咁追住佢 嚟影，搞搞震冇幫襯，新郎新娘真係多得你唔少囉！
匿後面
人 哋去接新娘，劉浩龍同梁漢文都認真打鼓， Eason就匿 喺後面，唔幫手仲一味傻笑。呢個兄弟認真靠唔住！
跳江南 style
雖然貴為天王，但 Eason當日同其他人一樣，都係坐兄弟車，不過搞鬼 Eason喺車度忽然跳「江南 style」，笑死現場班姊妹。
做樣抬轎
婚宴當日，咁啱爆出葉佩雯同 Eric Kwok捲入吸毒事件，好彩都無損新郎新娘嘅心情，而作為抬轎嘅 Eason，喺後面做樣掂吓頂轎就當交差， hea到震！
潛入婚宴
麻甩 talk騷
當晚媽咪姐成功潛入婚宴會場，直擊婚宴過程。由於一對新人忙緊同賓客影相，唔得閒招呼圈中好友，一班麻甩當晚咁啱冇身邊另一半，惟有各自搵節目打發時間。
林海峰吹女經
有朋友行過，原本發吽哣 嘅林海峰，即時捉實對方狂吹水。媽咪姐偷聽到佢除 咗講公事外，仲有講到佢兩個寶貝女，話佢 哋識自動波咪書，唔使父母辛苦喎！
陳偉霆攬 𡃁妹
阿 Sa唔 喺身邊，陳偉霆放鬆戒備，熱情攬住個小妹妹傾偈，不過媽咪姐就發現個妹妹唔多領情，多次想掙脫佢 嘅懷
劉浩龍實肥谷
當日做兄弟 嘅劉浩龍，雖然愛人容祖兒唔 喺身邊，但全程唔敢埋班姊妹身，悶到發慌都只係搵身邊 嘅谷德昭講唔停。
留言列表
