插圖： Wendy
揞名爆
「醜醜」潑婦教仔
2012年11月30日 ~~ 第905期 忽然１周
係人都知「醜醜」聲大大，係惡妻！估唔到嘅係，佢對住寶貝仔都收唔到火，仲唔介意喺人前做潑婦㖭。
係咁嘅，媽咪姐有個靚太 friend有次同阿仔去買玩具，原本間 shop嘅氣氛好鬼 happy，啲父母同仔女好溫馨咁揀緊玩具。忽然，有人大喝一聲：「喂！ Come here! Come here!」嘩，咪講笑，阿靚太 friend話耳仔都差啲震聾，終於明白乜嘢叫河東獅吼！跟住大家梗係望吓邊位咁好中氣？係呀，咪就係縱橫影壇、無人不識嘅「醜醜」囉。
最吊詭嘅係，呢位虎媽喝完一輪，終於等到隻「甩繩馬騮」返嚟一齊揀玩具。喺呢個時候，「醜醜」又忽然變身嘞喎！「 Baby，買呢個好唔好呀？ Baby，呢個都幾好玩㗎。」嘩，老虎瞬間變小貓，把聲突然低 8度，精神分裂呀！
旁觀者真係睇到眼都凸。但媽咪姐提提大家，人哋話晒係攞過公認好演技獎㗎！唔好少見多怪。 
全站熱搜
留言列表
