楊怡緊張角色 老咗十年

楊怡在《名媛望族》中的演出,觀眾似乎只關注她的情慾戲及咬劉松仁嘴唇的一幕,而咬唇一刻更遭網民狠批她「鼻頂」松哥。不過楊怡表明不會介意網友的攻擊,但她指松哥對戲中每個角色都着緊,令她緊張,更自覺為演活角色,比自己真實年齡老了十年。



楊怡撐江美儀能演活風情萬種的角色。

楊怡於台慶劇《名媛望族》中飾演劉松仁的「四太太」,角色情緒起跌很大,不過似乎觀眾及網友只着眼於她與松哥的對手戲,如咬唇一幕便遭網民批評她以「木偶鼻」頂松哥,雖然松哥有為她平反,但網民始終咬着楊怡不放。

楊怡坦言咬唇戲及床上戲都與松哥研究過,她謂:「戲中我對佢又愛又恨,拉鋸緊嘅感情世界裏面係有好多細微嘅嘢,咬唇係表露好肉緊、好忟憎,不過可能如果角色唔係我同松哥去演,觀眾唔會有咁大反應,(同松哥拍壓力更大?)梗係有,就算同邊個都會有壓力,而且松哥要求好高,每一個劇中角色佢都好着緊,希望我哋咁多個女角性格都有唔同,變咗我都會好緊張,我哋每個人係一齊發展,其他嘅女角啲戲都做得好好,而我與角色相比之下變得o靚妹咗,好似比自己真實年齡老咗十年,都要紓緩番自己壓力。」


楊怡指劉松仁要求很高,自己拍時都很大壓力。

楊怡不會對被指「鼻頂」劉松仁而介懷。
懶理網友人身攻擊

楊怡坦言劇中角色很難演繹,情緒變化亦很大,對於網友針對她的樣貌,楊怡坦言:「我完全唔care,佢哋要講任何嘢都可以講,話我瘦、削骨乜都可以講,我唔會介意,不過我反而覺得出嚟自己嘅造型好靚。大家意見唔同,唔通我膊頭瘦啲又會拮親人,下巴尖啲又會插親人咩!好多嘢都唔受我控制。」

此外,劇中江美儀有一場穿黑絲襪情挑松哥的戲份,更被指相當「重口味」,對此楊怡說:「唔係搵個後生、年紀輕嘅去做就唔係『重口味』,如果一個後生嘅演員去做,可能又會畀人話缺乏資歷、欠缺風情,我覺得要睇成件事。」

文:影視組

攝:司徒國榮

服裝:bread n butter

皮鞋:STEVE MADDEN 髮型:TY

化妝:Marsha Ma@A&V Make up school

創作者介紹
創作者 tvblife 的頭像
tvblife

TVB娛樂八掛週刊雜誌大分享☆

tvb4life 發表在 痞客邦 留言(0) 人氣()