媽咪姐
鄭融呻爆公司
鄭融早排向無綫娛樂台主播黃曉明爆粗搞到滿城風雨，扮咗一輪乖，先冇被公司 Neway雪藏咋。
不過江山易改，口臭性格真係幾難改變。上星期媽咪姐喺圓方「 Nahm」食 fusion菜，咁啱鄭融同佢男友坐隔籬枱。雖然佢哋冇乜親密舉動，但……口水就好多。
媽咪姐聽到鄭融有啲勞氣咁話：「成日做埋啲無聊 job，有錢嘅 event就唔見有……話出去學跳舞，都未安排到……」唔使審，梗係鬧佢公司 Neway啦！唉，媽咪姐聽到鄭融咁呻法，真係要奉勸鄭融一句，你一日未紅，一日都要聽公司話，做咗咁多年，連呢啲規則都唔明，真係好難撈落去喎！
鄭融呻完後，得男友又又安慰，即時由苦瓜面口變為冧樣。
成日做埋啲無聊 job……（真實對白）
鄭融邊食邊對男友仔埋怨公司，呻到樹葉落。
全站熱搜
留言列表
