【萬千星輝頒獎典禮之壓力爆煲】徐子珊憑《雷霆掃毒》飾演毒后陳家碧，被視為今年視后大熱，當中的一秒輪姦戲，觀眾可能當是笑料，但對子珊而言，卻是這幾年來日積月累的歷練和心血。從前她年少氣盛，碰過釘後才明白到成功並非個人，而是團隊的功勞。今日，子珊渴望奪獎，除了為得到認同，也是向身邊人致謝。
撰文：何慧斯
■徐子珊獲提名台慶頒獎禮最佳女主角，坦言承受無比壓力。
攝影：陳志嵐
髮型：Maggie of kimrobinson
化妝：Karman
形象指導：Patrick Sun
場地提供：Wooloomooloo Prime（The ONE）
■子珊在《雷霆掃毒》中的一秒輪姦戲，惹來網民爭議。電視圖片
憑《雷霆掃毒》毒后陳家碧一角，而被視為今年視后熱門人選的徐子珊，04年奪得港姐冠軍後，隨即加入娛樂圈，雖然期間經歷不少風風雨雨，理應有一套招架功夫，不過子珊坦言今次提名實在為她帶來前所未有的壓力。
純為工作夥伴而戰
子珊說：「你問我係咪想得到認同，我當然想，每個人咁辛苦捱咗咁多年，每一次都好努力為咗角色而付出，獎項只係其中一樣，但係我好怕人哋話我爭嘢，我明白乜嘢叫良性競爭，對我嚟講只係想演好角色，有得揀我唔想參與太多令到我唔舒服嘅嘢囉，我反而希望身邊幫我嘅人得到認同。如果真係得到獎，我嘅功勞只係一部份，所以對我嚟講更加大壓力，我唔想令身邊嘅朋友失望，呢個係壓力嘅一部份，而且我又只有啲恐懼炒作，又話我去爭，我知呢啲嘢都係我控制唔到。」
距離台慶頒獎禮的日子越來越近，笑稱子珊要有心理準備，她笑說：「我覺得我要心理輔導，唔知今年係好彩定唔好彩，啲時間都好準，率先擺咗好多壓力喺我身上，好嘅係身邊有好多朋友支持我，好感激，我會努力盡量去做，fans都好努力去幫我宣傳谷人氣，就算我唔得獎都要多謝佢哋。」
■林峯和子珊合演劇集《雷霆掃毒》，未知能否為她帶來獎項？劇照
■子珊04年膺港姐冠軍後隨即加入娛圈，經歷不少風雨。
印象中的子珊很有主見，難免在待人接物方面產生不少問題，是非閒言自然極速散播，不過，眼前的子珊似乎多了不少顧忌，她有感而發地說：「以前年少氣盛，覺得自己乜嘢都做到，我得到某啲嘢，係因為我得，慢慢你會發覺好多嘢都係錯，好彩嘅係沿途有人話你聽咁做係唔啱，碰過釘、遇到挫折之後，知道自己不足喺邊度。?家大個咗，知道你嘅嘢係人哋畀你，尤其喺娛樂圈，你知道唔係自己一個人行，一定係身邊嘅人陪你一齊行。?家我得到嘅嘢，唔係因為我得，係因為身邊嘅人幫我，呢個差好遠。」
■珍惜粉絲支持，子珊想得獎答謝他們。資料圖片
豐收年買千呎豪宅
問子珊有否試過迷失？她坦言：「我唔夠膽咁講，反而覺得係搵到自己，亦都認識自己，你以前會以為好多嘢都識，但原來唔係。事實上好多嘢你原來係做唔到，以前有乜嘢就算唔識都做咗先，但係?家會問人，好彩喺我入行冇耐已經撞到焦頭爛額，而唔係入咗行十年先嚟撞。」
子珊昨日在中環出席活動，不忘向台下來賓拉票，不停叫人投她8號一票爭視后。有指她今年密密搵，賺了800多萬，她說：「冇呀，唔係呀，我怕俾稅局追稅呀。」但她直認11至12月接了二十項工作，之後更有廣告，一直忙到新年：「今年的確幾好，豐收年，我想買樓，不過係獎勵媽咪，佢遲啲會返香港住，帶埋啲孫，所以要買一千呎先夠。」
留言列表
