娛頭
袋霆鋒 8千萬 張栢芝末路救急
跟謝霆鋒離婚，再度成為新聞人物的張栢芝，妄想被害症又再出現，早前更有人向傳媒投訴，指栢芝吩咐同行助手，用強力電筒照着欲舉機拍照的途人，強光傷及對方眼睛。
影張相都唔得，事業形象全面插水的張栢芝，新戲《影子愛人》香港票房慘收十一萬，為挽救瀕臨末路的事業，栢芝近期忽然變臉，玩親民！日前她帶同兩子到沙田玩具反斗城掃貨，被大班師奶包圍狂影相，統統來者不拒。
票房、民望告急，不過五月跟霆鋒正式離婚的栢芝，早已一筆過收了前夫八千萬生活費，有個大靠山，生活暫時唔使憂。
隨時一拍兩散
連續幾套孭飛電影票房都仆直的張栢芝，剛落畫的新作《影子愛人》再創新低，香港埋單僅收十一萬多，內地亦唔過二千萬人仔，事業全面告急，無工開，索性陪住兩個仔放暑假。
「上套《楊門女將》唔掂之後，栢芝經理人公司 AEG新亞洲娛樂已經要佢低調洗底，形象本來好番啲，點知佢又唔生性，之前同個仔去玩，人哋望佢一眼，就叫助手用強力電筒照人，件事俾人寫出嚟，負面形象愈插愈深， AEG講到明，再咁落去，盞一拍兩散，叫佢自己諗清楚！」栢芝身邊人說。
去年八月，盛傳收五億簽約 AEG的張栢芝，據知已收了近億加盟費首期，而餘下的金額，按原來協議，以分紅制發放，但成為票房毒藥後，五億身價，得個噏字。
「佢一部片嗌千六萬片酬，但票房差到得十幾萬，係蝕到翻唔到身嗰隻，國內班投資者縮晒沙，如果嚟緊佢同章子怡、張東健合作嘅《危險關係》都唔掂，好老實，就算栢芝肯減片酬，都無人敢再搵佢， AEG嗰邊都好頭痛，諗緊方法幫佢補飛！」知情者說。
栢芝細仔 Quintus面頰肥嘟嘟，栢芝頸上亦多了一個小紋身。
栢芝由三個助手加一個保鏢護住，著上兄弟裝的 Lucas同 Quintus不時與場內小朋友傾偈。
栢芝出席上海電影節時一反常態，友善地派 糉給現場觀眾。
大迷信的栢芝，除了拜佛，還會約霆鋒的風水師好友 Mike指點迷津。
六月，張栢芝與經理人等晚膳，發現有人影相，再次以強力電筒射人。
愈跌愈低
同霆鋒開始醞釀離婚，栢芝便全面復出賺錢養仔，去年，以 5億天價加盟 AEG新亞洲娛樂公司，主力拍戲，可惜由她擔正的幾部電影，票房全線仆直，更被網民封為「爛片天后」。
關係勝從前
事業前景渺茫，還好栢芝背後仲有個大靠山。據知，今年五月跟霆鋒正式離婚後，栢芝已一筆過收取了前夫給兩個兒子的八千萬生活費。
「筆錢存咗入兩個仔嘅基金，每個月會攞一定數目做生活費，栢芝無要霆鋒俾贍養費，筆錢主要用嚟保障兩個仔，栢芝唔使擔心教育同生活問題。其實栢芝一直想挽救呢段婚姻，雖然最終都係離婚，但佢同霆鋒關係反而好咗，兩個成日保持聯絡，唔再靠助手做傳聲筒。」
兩個仔的撫養權歸栢芝，但雙方已協議好，霆鋒可以隨時探望兒子。「霆鋒只要有時間，就會上栢芝屋企探兩個仔，因為霆鋒廚藝好， Lucas成日要爹哋煮嘢俾佢食，有時仲會一家人食飯，離婚反而關係好咗好多！」
早前霆鋒帶同兩個兒子外出買雪糕，與栢芝接力湊仔的他，是個緊張老豆。
Quintus睇小白兔睇得入神，栢芝以 iPhone幫囝囝拍下照片。
事業告急，栢芝近日玩親民洗底，在沙田商場內，遇見師奶小朋友影合相都來者不拒。
繼續大迷信
一向出名迷信的栢芝，見無力挽回事業頹勢，唯有求神拜佛。有指她早前到過九龍城的泰佛專門店，邀請泰國高僧到世紀大廈新屋擺放泰佛供奉。
「栢芝一向信泰佛，去年仲一連去咗幾次泰國見師父，點知佢愈唔掂愈迷信，今年四月搬入世紀大廈，就專登間咗間房，搵師父幫佢擺咗個佛壇；另外又水晶又觀音，總之乜嘢助運保平安嘅佢都啱！」
上週一（七月二日），栢芝戴齊水晶和觀音兩大法寶，與 Lucas及 Quintus到沙田玩具反斗城掃玩具，正值七一回歸翌日補假，栢芝唔理人多，在迫滿人的玩具反斗城內穿梭，手抱住 Quintus又拖住大仔 Lucas，身邊還有三個助手及保鏢貼身侍候左右，排場十足。
栢芝抱住 Quintus睇玩具期間， Lucas已經一支箭自己走去揀玩具，紮紮跳的他，狂掃蜘蛛俠及蝙蝠俠模型玩具，栢芝其中一個助手，推着手推車跟住 Lucas，幫手接貨。
已經四歲多的 Lucas與 Quintus著上兄弟裝，一身 Grunge牛仔衫加 Nike波鞋， Lucas的頭髮鏟了幾條青界，潮爆，至於細佬 Quintus，則愈大愈可愛。
近年愈嚟愈瘦的栢芝，一緊張便青筋暴現，精神恍惚。
張栢芝與張東健、章子怡主演的《危險關係》即將上映，經理人公司對該電影寄予厚望。
栢芝主演的《河東獅 II》，戲份竟然與另一女角張馨予差不多，男主角小沈陽則由頭帶到尾。
栢芝細心將囝囝玩具整理好，才坐上車頭座位離開。
母子玩兔
栢芝四月搬入世紀大廈頂樓，即搵風水師在屋內擺放佛壇，全屋更長期拉上窗簾。
俾人踢爆嗌助手用電筒照人，吸取教訓後，栢芝轉做友誼小姐，睇玩具其間，不時有師奶同她揮手，栢芝亦友善打招呼回應，有師奶拖埋小朋友要求合照，她更加笑晒口任影唔嬲，路過的街坊，還大讚栢芝靚女，落區親民行動，的確有用。
掃完玩具，栢芝抱住 Quintus行 竉 物店，幾個助手則拖住 Lucas，先到停車場攞車，入到寵物店， Quintus指住一對白兔仔，非常雀躍，栢芝見囝囝咁開心，即使店內標明不准拍攝，她照攞住 iPhone，幫囝囝與白兔仔合照。
無工開，有錢使，陪住一對寶貝仔，栢芝可以好正常。
Fing錢家族
本身已經大使的張栢芝，仲要俾娘家班親戚當「人肉提款機」。多年來，照起父母及兩個細佬衣、食、住、行，水喉長開。
張栢芝
入行初期，栢芝歌影雙線搵錢能力驚人，搵得多，使得更多，經常換車換樓。愈玩愈大，去年栢芝明知唔夠現金俾首期，仍以 1.28億摸頂買入世紀大廈頂層單位，幾乎搞到撻訂，傳她最終向財務借入五千萬填數。
父親鬍鬚勇
曾欠下巨債的鬍鬚勇，一直靠栢芝接濟。 10年，栢芝科水數百萬讓他開製作公司，但有頭冇尾，鬍鬚勇閒來無事，經常揸住栢芝所送的 Benz，在佐敦麻雀館打躉。
母親 Davies Shally
栢芝媽使慣，有指栢芝每月要俾 50萬給她做家用。 08年，開始進軍飲食界，與男友在西環開設海鮮酒家； 10年又開火鍋店，更先後在跑馬地、大埔、沙田及元朗買入物業。
親細佬張豪龍
早年靠家姐供養不事生產的張豪龍，至近年在滑水界打出名堂，開學校教滑水，終於識搵錢，但平日仍傍實家姐出出入入，吃喝玩樂慳唔少。
同父異母細佬張栢文
留言列表
