同你吟一吟
有計呂方又換畫
年初冧掂內地有米 May May，將 fans變女友嘅呂方，新油井俾《壹》仔起晒底，既有富商照顧，仲有個十六歲女。
女友背景不簡單，聲稱唔知咁複雜嘅呂方，強調唔會理會朋友過去。之不過，《壹》仔發覺呂方其實口不對心，身邊已經換咗人。
上星期四（五日），《壹》仔喺金鐘太古廣場巡邏，見到呂方同個長髮女子一齊行街，雖然冇十指緊扣，但二人同著粉紅色衫，襯晒！
見到記者，呂方先是錯愕，跟住耷低頭行快幾步，同行長髮女子亦醒目配合，擰轉面用背脊「得」住鏡頭。唔！五十歲呂方，真係有啲計！
同女伴著晒情侶顏色去街嘅呂方，見到記者嚇一嚇再即時彈開，女伴亦刻意擰轉身避鏡頭。
今年初，呂方掘到新油井 May May，但自從女友被起底後，近月已不見二人於香港見面。
全站熱搜
留言列表
