跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
黃婉曼從天氣女郎成功「跳出去」轉型做藝人,愈撈愈上位,過檔now TV成為鎮台一姐,收入大增之餘,近日更被指激變V煞面、間尺鼻,港版醜女大翻新,卻惹來整容疑雲。
對整容傳聞,黃婉曼坦承:「我係出盡法寶減肥整靚個樣,乜辦法都試過。」又說做藝人靠樣搵食,「唔整過點紅?」更自爆由入無綫做新聞部開始,就以地獄式減肥及瘦面高鼻法變靚,更因此才有機會出鏡報天氣,繼而成功上位。
從小被街坊笑醜樣的黃婉曼(Icy),經常自嘲自己知自己事,並非十八廿二又唔夠靚,入娛樂圈要紅好有難度。但既然Icy轉行做藝人,當然想變靚啲,更坦言:「做幕前當然想紅。」
為了靚靚,Icy早在無綫新聞部工作時,已積極減肥,最高紀錄由一百三十多磅,減至只有九十磅。她說:「我好易水腫,做幕後嗰陣唔使出鏡,覺得唔緊要,之後轉咗出鏡,見到自己好肥,為咗去水腫,夜晚七點後就唔食嘢唔飲水,第二朝六點就起身,等個人消腫,有一段時間瘦到連朋友都覺得有問題,但上鏡好睇。」
為減肥她曾試過做運動兼唔食飯,每日帶住一張寫滿卡路里的卡紙,食嘢前拎出卡紙對照,再決定食甚麼,以控制食量及吸收。又試過對食物有罪惡感,認為做運動的努力,不應浪費在食物上,於是把美食放在嘴裏再吐番出來當吃過,因而差點患上厭食症。
為了減去包包臉,Icy每星期到美容院做兩次「啪骨」及推淋巴瘦臉。
「最近好多人話我整容,其實塊面尖咗,因為做咗淋巴瘦臉,去水腫睇落去咪瘦啲囉,仲有去美容院做辣椒瘦臉,有朋友又介紹咗個推骨師傅畀我推臉骨,我去得好密,有時朝早要開工,我都會去美容院瘦面先開工,依家做咗幕前,點都要對得住觀眾。」
至於個鼻,Ivy則自稱因為化妝所致,Icy短短兩年內,化妝師換了四個,因以前不懂化妝的她,每次都化到自己好老,直到學會近年流行的裸妝,才對自己有信心。「我以前化妝好厚,唔想出鏡見到毛孔,點知出到嚟好老,依家聽化妝師講,上妝前淨係補濕,然後上粉,令個妝貼啲,反而令輪廓都sharp啲,鼻樑同面形出番嚟,但就畀人話整容,哈哈。」
但原來Icy仲有獨門瘦面高鼻樑法,就係每天早、午、晚用手揑高鼻樑。「我由十幾歲開始就每日用手揑高鼻樑,早、午、晚各廿次,又會用砭石梳梳面,增加血液循環,自己感覺鼻高啲、面又瘦啲。」Icy話減肥整靚樣最講決心毅力,為靚樣就算點辛苦都值得。
TVB娛樂八掛週刊雜誌大分享☆
tvblife 發表在 痞客邦 留言(0) 人氣()
留言列表