邊爐打咗個幾鐘， Eason同班朋友企出店外中場休息解煙癮。
FBI
Eason戒煙失敗
天氣轉涼， FBI最想烚吓烚吓暖暖個身，點知就行大運， 喺天后由傅珮嘉新開嘅台式火鍋店「一鍋」，撞到「吹神」陳奕迅同阿嫂徐濠縈同大班 friend。
吹神「打邊爐」
鋪頭入面就打邊爐，連出面都有班煙民「打邊爐」，正牌邊爐打到中場，飽得咁上下， FBI就見到 Eason張 枱走 咗大半 枱出街解煙癮，其中都包括「吹神」自己。
其實 8年前阿女康堤出世，大煙癮 Eason曾經為阿女戒過煙，仲周圍提倡戒煙好處，話人健康 咗唱歌又好氣 咗，不過戒 咗兩年又食番咋嘛。早兩個月 Eason再話過要戒：「我係 嗰 啲地震淨係會攞銀包同煙嘅人，我都知個習慣唔好， 𠵱家開始新一輪戒煙行動。」眼見為實，即係吹神嘅新一輪戒煙行動又失敗啦！
話時話， Eason成日周圍飛巡迴，好少時間陪到老婆，嗰晚 FBI就見 Eason同阿徐把握機會傾番夠本，食完飯阿徐同班女人返歸，男人就打的走下場。有班共同朋友夫妻檔一齊食，食完又各自有活動，呢 啲夫妻關係先叫有空間吖嘛！
反而阿徐成晚一支煙都冇食過，打完邊爐同班女性朋友齊齊返歸，留番 啲男人自己玩。
鼓佬 Kevin
Band友飯腳
有名你叫吹神， Eason個「吹」癮睇怕大過煙癮多多聲，支煙食完成個字， Eason都吹唔停唔捨得走。
事後煙
成晚食飯食 咗三個鐘，中場一支煙，完場戴番黑超上車走，又再煲多支。
全站熱搜
留言列表
