黎耀祥(祥仔)、邵美琪、米雪、陳茵媺等齊以清裝現身天際100香港觀景台,為無線台慶劇《大太監》造勢,吸引不少遊客圍觀。

聞連詩雅似己尷尬

米雪表示,即將為劇集《衝上雲霄Ⅱ》飛往英、法等地拍攝,今次她客串飾演陳法拉的母親。說起吳卓羲自爆未出發先「出血」,因要將酒店、機票等升級,米雪直言不清楚,但也會帶重「彈藥」前往購物,不過自己剛去過當地,應不會花費太多。至於祥仔最近出現視帝新勁敵,就是黑馬劉松仁,米雪大讚兩人都好戲,自己當然會先支持《大太監》的祥仔。又談到其另一拍檔夏雨過檔城電,米雪一臉愕然說:「係咩?我唔知喎,遲啲打(電話)去問下先,我又少咗個拍檔。(有無人搵你過檔?)我同無線嘅合約到出年,一年拍一部劇,完成咗無線嘅約先算啦。」

另外,歌手連詩雅被指樣子變得像米雪,米雪即尷尬地表示,就算抄都不抄自己,應該不會,自己不知誰是連詩雅,但絕不介意被人倒模。

邵美琪「好事近」

至於邵美琪表示,首次上來全港最高的地方。提議下次可帶男友來拍拖,她即推說,連母親都沒有來過,但費用似乎略為昂貴;再說可叫男友付款,邵美琪即顧左右而言他,大兜圈子。

提起其舊愛鄭伊健於黎芷珊主持的節目上大談舊情,邵美琪說:「哎啊,唔講呢啲舊聞啦,我哋講番《大太監》,新啲啊。」隨後她對與伊健有否聯絡、會否出席舊愛婚禮等問題一概不回應,即使轉話題問她何時好事近、會否叫男友捧場,她也笑笑口說:「唔回應啦,我今日咪好事近囉,《大太監》上啦嘛。」又說起有傳伊健與蒙嘉慧因婚前有金錢問題,要見婚前輔導,邵美琪也贊成兩人應財政獨立,其實不分男女,(錢銀)都應該清楚。


小李子扶住慈禧太后同慈安出場,幾架勢﹗

連詩雅個feel真係越來越似米雪,但米雪姐話唔知邊個連詩雅。

同治梁烈唯拖住飾演佢細個嘅童星出場。

同治一聲令下﹕「賜毒酒﹗」

祥仔同胡定欣飾演對食夫妻,但一邊食一邊影相嘅技巧要再練。

身為皇帝,你呢手字真係…

鬼鬼地嘅陳茵媺(後排右三),著清裝又幾可愛,仲高人一等添。

日期: 4/11/2012
活動: 《大太監》之「至高無上登基大典」
出席: 黎耀祥 、 米雪 、 邵美琪 、 陳茵媺 、
胡定欣 、 蕭正楠 、 陳國邦 、 曹永廉 、
張國強 、 羅欣羚 、 沈可欣 、 徐榮 、
梁烈唯 、 蔣家旻 、 魯振順 、 鄭俊弘 、
梁珈穎 、 歐珀豪 、 蘇恩磁 、 羅永賢 。
時間: 14:30
地點: 尖沙咀柯士甸道西1號環球貿易廣場100樓天際100香港觀景台

arrow
arrow
    全站熱搜

    tvb4life 發表在 痞客邦 留言(0) 人氣()