《大太監》首播最高35點
商場爭播大結局

無綫劇《大太監》前晚兩小時的首播版本，平均收視33點，最高是10時28分那一刻，錄得35點數字（觀眾人數約224萬），主角米雪及黎耀祥很感意外；《大》劇高開，連帶同日收視上升，《愛•回家》平均28點，《東張西望》平均23點，《走過烽火大地》平均25點。

無綫外事部副總監曾醒明表示：「收到1位觀眾意見，認為《大太監》好悶。不過，已有幾個商場，爭相要安排一齊睇大結局，最後兩集是12月15日及16日，安排每晚播兩集。《名媛望族》則在14日播出兩小時大結局版本，兩個劇集播畢後，17日便是台慶頒獎禮。」

陳國邦夠奸睇好爭男配

台慶劇《大太監》首播收視報捷，有勢頭壓倒另一台慶劇《名媛望族》，而劇中飾演太監首領的陳國邦更奸得出位，毒打宮女胡定欣令她滑胎，大有奪今年「男配角」獎項之勢。

無綫台慶重頭劇《大太監》前晚一連兩集首播創下佳績，平均收視有33點，最高收視點更達35點，成為今年連播兩集劇集首播收視之冠，壓倒另一套台慶劇《名媛望族》首開平均30點的成績，有望奪得「最佳劇集」！

冇《名媛望族》咁重口味

該劇監製羅永賢坦言對收視感滿意，說到《名》劇場口多談論位，他笑言：「我哋冇咁重口味，只係sell戲味！」他又點名陳國邦飾演的「彭三順」都應該會爆出，未知屆時會否令他有機會奪今年「最佳男配角」獎項？

劇中陳國邦找人毒打黃浩然，行為令人髮指，又狠打與李連英青梅竹馬的宮女胡定欣，令她滑胎，手段狠毒！記者致電給陳國邦問他有否信心奪「最佳男配角」？他坦言：「我依家只會專心工作，對獎項嘅嘢真係冇所謂，隨緣。（個心唔想攞咩？）每一次都想，但都係等個天去決定。」另一勁敵、在《雷霆掃毒》飾演奸角的黃智賢亦大讚陳國邦：「自己非常欣賞佢，不過依家先播咗兩集，未咁快有定論，要睇埋落去先，我對自己都好有信心！」

「三順爺」陳國邦使陰招，令宮女胡定欣滑胎。