同你吟一吟
周凱旋 Walk住玩電話
搭地鐵，無論幾歲細路到五、六十歲阿叔阿嬸，起碼一半人以上，有啲甚至連行緊路，都揸住部手機 㩒 㩒 㩒。手機變咗大家嘅手腳，不可分割。尋常人如此，身家億計，平日出入有靚車保鏢嘅女強人周凱旋亦一樣。
上星期五（十一月十六日），下午四點半，《壹》仔喺中環太子大廈 Cartier見到周凱旋兩個保鏢，一人負責企一個門口，等老細出嚟。之後一齊行去金鐘，其間經皇后像廣場、遮打花園，周凱旋全程耷低頭 㩒手機，直到上和記大廈天橋先收手。
唔，依八珍推算，同周姑傾緊偈嘅係李超人機會好微，咁傷眼嘅嘢，八十四歲嘅首富誠哥應該唔吼！
老細入咗去睇珠寶，兩個保鏢，正門側門一人企一個門口守住。
穿過天橋行去金鐘，周凱旋寧願 walk，唔坐車兜大圈。
全站熱搜
留言列表
