同你吟一吟
張堅庭孻仔孻心肝
身為英皇女婿 嘅張堅庭，自從同楊受成大女楊諾思結婚，前後生 咗三個，大仔張高銘已經十七歲，聽講盡得老豆真傳，家陣去 咗外國讀電影；二女楊一諾同樣係舞台劇發燒友，十一歲細仔張高翔仲細，未搵到自己興趣。
早排《壹》仔响銅鑼灣見到一家四口去行街，張堅庭同餅印孻仔沿途糖黐豆，二女就繑實媽咪。張高翔性格好活潑，見到《壹》仔影相專登整古做怪，唔怕醜，有番咁上下表演細胞。
總動員行街，原來係細仔想買波鞋，阿爸阿媽幫眼，家姐都有份俾意見，認真大陣仗。
孻仔張高翔萬千寵愛在一身，一家四口總動員出街，陪佢一個買新波鞋。
二女楊一諾都有八卦新款波鞋，不過媽咪楊諾思只係一心一意幫細仔揀。
終於揀到心頭好，張高翔試完鞋，俾老豆過目先決定買。
全站熱搜
留言列表
