TVB娛樂八掛週刊雜誌大分享☆

經典「黃蓉」未及「慈禧」深刻 米雪：嘔心瀝血 演《大太監》!

無綫剛公佈下月17日《萬千星輝頒獎禮》入圍名單，米雪憑《大太監》成功入圍「最佳女主角」的最後十強。今次《大太監》口碑和反應一樣熱烈，身為女主角的米雪，當然高興，再憑「慈禧」爭奪「最佳女主角」，絕對是錦上添花。對於今次奪獎信心，米雪接受本報訪問時，坦言亦恨奪獎，因為她從影近40年，「慈禧」一角相對經典的「黃蓉」更深刻，只因角色相當難演，單是背對白已令她相當頭痛，她不禁說：「我今次真係嘔心瀝血演《大太監》！」 撰文 : 杜淑霞　攝影：畢紹基

米雪現正身在英國為劇集《衝上雲霄2》拍攝外景，但離港前?家落力為《大太監》宣傳，日前為了爭取時間，她為明年演出的舞台劇《我和春天有個約會》拍攝宣傳海報時，以劇中「金露露」的造型抽空接受本報訪問。

望劇集奪獎

對於繼08年憑《溏心風暴之家好月圓」成為「最佳女主角」後，今次再憑「慈禧」一角再爭「最佳女主角」，而且呼聲相當高，米雪坦言恨奪獎，「真係唔敢當，當然想得獎，但係如果得『最佳劇集』會更加開心，因為套劇有好成績，係台前幕後大家互相帶動嘅感覺嚟，好想大家一齊開開心心得獎，到時大家食餐飯高興吓。」

57歲的米雪，75年加入佳藝電視，演過無數劇集，最經典莫過於在佳視年代飾演《射鵰英雄傳》中的「黃蓉」，她亦憑此角在圈中走紅，不過米雪認為今次「慈禧」令她更深刻，「黃蓉當然係經典，但好似《大內群英》我都好鍾意，近期喺TVB《秀才遇着兵》、《五味人生》、《女人最痛》同《溏心》等等，個個都演到入心入肺，但係今次「慈禧」，我唔想做到太過火，事前會設計定語氣同眼神，要做好多準備功夫，所以我今次真係嘔心瀝血演《大太監》！」

似返讀書年代

其實米雪今次演「慈禧」並非第一次，在89年亞視的《滿清十三皇朝之血染紫禁城》已扮演過，但相對兩次演「慈禧」，佢認為今次更困難，「拍呢套劇好似返番去讀書年代，我每次收到劇本見到啲劇本長啲難記啲，就會先搵晒讀音同意思，背熟到六、七成，到拍之前一日再溫習，因為今次有太多四字詞語，仲要準備點樣演繹，要花好多時間，所以我成日催監製快啲畀劇本我。」