Big Four四子每次合體，打扮會分外浮誇， Dicky一於姣到底，叫店員攞件毛毛背心俾佢試，試完上身再放 响 枱面鋪平睇真 啲。
同你吟一吟
張 衞健姣過老婆
嚟緊農曆年 Big Four又開演唱會，開始做宣傳谷飛，要出活動要見記者，當然要入定幾套靚衫看門口。上個禮拜四（十一月十五日），《壹》仔 响海港城撞見 Dicky張 衞健同老婆張茜一齊睇衫。
行街 shopping，通常女人最易失控，同老公著埋全黑情侶裝 嘅張茜，定力十足，瘋狂試衫左襯又襯 嗰個反而係 Dicky，尤其入到 Jean Paul Gaultier，見到櫥窗公仔件毛毛背心，二話不說要店員除落 嚟俾佢試，之後再嗌老婆過 嚟幫幫眼。
價錢唔係問題， Dicky揀衫重點係要同阿公蘇永康抗衡，鬥姣鬥誇！第二日（十六日），《壹》仔再 响中環見到張茜一個人喺做緊減價、走簡約路線 嘅 initial睇衫，不過最後都係忍手冇買。家有慳儉賢妻， Dicky家山有福！
陪買
衫多眼亂睇到皺眉頭，老婆張茜一直陪實幫眼唔幫口，等老公自己話事！
再試另一套西裝，女店員跪地幫佢整衫。
Dicky都有陪老婆睇女人衫，雖然見到靚衫笑晒口，但張茜一件都冇買。
齋摸
自己一個行街，張茜唔使配合老公浮誇衣著，打扮樸素去睇減價衫。
全站熱搜
留言列表
