三貓媽媽就算幾忙，每星期都會抽空去寫網誌，免得 fans等得太久。

Petbook

三貓 Blog Blog齋　千萬人次瀏覽

2012年11月21日 ~~ 第1087期 交易通．搵車快線

提起民間明星寵物，不得不提三貓 Blog Blog齋主角 Momo、 Latte、 Mocha和 Tiger（已故），這個 Blog自 06年面世至今，瀏覽人次直迫一千萬。三貓媽媽話：「可能因為我以貓角度去寫，配合得意有趣 嘅相，加埋 bubble caption， 啲人好易明，睇得又開心。」除了網上看得到，亦已印刷成 5本書籍，今年還有韓文版！


三貓 Blog Blog齋網誌：
http://hk.myblog.yahoo.com/catz-world

三貓 Blog Blog齋好像連載漫畫，字不多，三貓媽媽揀選得意的圖片，配上貓兒對白，用第一身去寫，就像在看卡通漫畫一樣，極富娛樂性。
訪問三貓媽媽，她自我介紹：「你叫我三貓媽媽就得，有時帶 Mocha去西貢散步，有人認得佢，問我係唔係三貓媽媽，我覺得呢個稱呼好親切。」
眼前三貓媽媽一身兼多職，在一間電訊公司擔任要職，是名女強人，放工後是三貓媽媽、攝影師、 blogger、也是作者。「有時我都要 喺屋企工作，試過有次做到半夜兩、三點，發現房裏多咗兩件貓玩具，先知原來 Mocha入 咗 嚟探我兩次，佢想同我玩，但又怕打擾我，有時都覺得佢好識關心人。」 

Mocha加入開始寫貓網誌

到現在三貓媽媽仍好想念 Tiger。

Mocha是家中最多鬼主意，表情多多的一隻貓， 06年開始養牠，成為家中第 3位成員，由於牠古靈精怪，成日影到得意照片，所以開始以貓主題寫 Blog。「我一向好鍾意寫散文，之前冇特定題材，後來養 咗 Mocha，佢同死 咗 嗰隻 Tiger好 friend，有好多互動，慢慢我就代入 咗佢 哋 嘅世界去寫，記低生活點滴。」
喜歡寫作的人夢想就是出書，三貓媽媽也預計不到這個 Blog能圓她出書之夢。「 5年前好多 fans要求，加上朋友、書商支持，我就主動搵印刷及發行幫我出書，前年仲搵咗間台灣書商幫我去印，家 喺台灣有我 嘅書賣，今年台灣書展有個韓國書商見到我本書，就洽談出韓文版，今個月連韓國都有得賣我 嘅書，我當然開心。」三貓媽媽笑言韓國有〈江南 Style〉殺入香港，她的三貓 Blog Blog齋進軍韓國，不讓韓流專美。 

維持一家三隻貓

Momo是三貓的第一個成員，已經 16歲，牠比較一支公，不會和其他貓追來追去，第二位成員 Tiger，因急病於 2年前去世。「 嗰時我飛 咗去加拿大探屋企人，出發前 Momo病咗，我仲叫朋友日日 嚟照顧 Momo，點知 Momo冇事，但 Tiger就幾日唔食嘢，又唔排尿，朋友帶佢去睇醫生，醫生用盡辦法都幫唔到佢，結果我改早機票返 嚟，送佢最後一程，佢 喺我懷中離去，之後出 trip都有陰影，可免則免。」
Tiger和 Mocha最夾得來，成日一齊玩， Tiger的離去亦令 Mocha悶悶不樂，因而三貓媽媽買了 Latte回家陪 Mocha，亦希望繼續三貓 Blog Blog齋有三位主角，結果事與願違，新成員和兩位舊成員各有各玩。相處久了，亦發現 Tiger的地位沒有任何貓可代替，每隻貓都有不同個性。雖然如此，三貓媽媽都努力捕捉牠們相處時刻，把有趣畫面拍下來，每星期都會上載貓貓的最新動態，訪問後連記者都成為 fans，一坐車就瀏覽牠們的 Blog，好像追連續劇一樣。最近知道牠們提早收到聖誕禮物……

三貓媽媽為三貓設計不同節慶造型

聖誕 Momo
年齡： 16歲
性別：女
品種：長毛貓 




哈囉喂 Latte
年齡： 2歲
性別：男
品種：布偶貓 




賀年 Mocha
年齡： 7歲
性別：男
品種：英國短毛貓 

貓誌之《你是最好的，你知道嗎？》

三哥，呢兩箱係罐罐，咁第三箱呢？


等三哥去 check下啦！


好緊張呀！快 啲打開個箱啦！


世上只有媽媽好！

後記：同 fans一齊成長

三貓媽媽這幾年都有去書展出席簽名會， fans十分熱情帶來小禮物及零食給三貓各主角。三貓媽媽說雖然和 fans關係未算得上是朋友，但感覺很親切。「有 啲幾年前剛結婚，今年帶埋小朋友 嚟書展搵我簽名，雖然我唔知對方姓名，但感覺好似大家一齊成長。」三貓媽媽會繼續寫 Blog、出書，一來滿足 fans需要、二來對自己來說也是一個好方法去減壓。

撰文：陸伊琳
攝影：彭自維
部分圖片由受訪者提供