探熱針
逃出六千呎禁宮 樂基兒爆粗噴黎明
「結了就（婚）分、註了就冊（拆）、喝了就酒（走）！」黎明金句應晒景！
愛蒲愛玩的樂基兒，婚後本應修心養性，住進六千呎豪宅，走入上流社會，可惜她與名流高官交際的生活格格不入，更頂唔順黎明一心為她建造猶如皇宮的家，甚至視之為監獄，悶到發慌，無時無刻想離開；飲大兩杯，更不顧老公面子，爆粗發洩：「黎明好×悶！」
婚後黎明搬入上水的六千呎愛巢，卻被樂基兒視為監獄。
嚴夫難頂
黎明、樂基兒發聲明宣布四年婚姻玩完！外界歸納死因，都係一句「性格不合」。當年樂基兒（ Galie）和黎明（ Leon）結婚，即使年紀相差十四年，但二人外形匹配，一度令人稱羡；可惜甜蜜日子不長，結婚不久， Galie已跟朋友投訴，事事受約束。
「 Galie十五、六歲已經出 嚟蒲，習慣同一大班人玩。當年佢同個天王拍拖，之後仲結埋婚，初時係好開心，但結婚冇耐，兩個人已經出現好多問題。 Galie唔鍾意老公乜都管，交乜 嘢朋友要管，去街、見乜 嘢人要管，連接 Job都要管。」樂基兒好友透露。
黎明的「夫管嚴」，出發點是護妻，認為 Galie無論工作同社交，都應該走到另一個層次。工作上精挑細選，是想悉心打造老婆進身成為 Super Model；社交生活上，黎明亦想老婆走到另一個圈子；可惜樂基兒唔領情，更促成兩人衝突，成為離婚導火線。
上週黎明發聲明宣布離婚後，與友人及新歡逍遙外遊的樂基兒，不單繼續在網上狂發旅行照，並以短訊回覆傳媒，聲言仍視 Leon如家人。
上週身在歐洲公幹的黎明，亦不忘發揮金句王本色，透過短訊向傳媒回應離婚心情。
十月七日（週日），黎明從歐洲返港，被大批傳媒追問離婚感受。
被官太悶親
近年致力慈善工作的黎明，跟前任政府高官唐英年、葉澍捬等私交甚篤，不時被邀往官邸飯聚飲紅酒，此等聚會往往都是攜眷出席，樂基兒也要跟一大班官太同 枱食飯打交道。
「根本係兩個世界 嘅人，蒲慣嘅 Galie對住班官太邊有偈傾？悶到發癲喇！有次佢出去同成班朋友玩，點知飲大兩杯，都唔理有乜 嘢人在場，好大聲咁爆粗鬧：『黎明好×悶！』」
黎明跟前高官唐英年及葉澍堃分屬好友，經常拉埋老婆出席高官飯局。
皇宮變監獄
黎明和樂基兒往日本度假，當時兩人溫馨甜蜜，可惜今時今日，快樂日子不再。
○七年，黎明斥資四千八百萬買入上水 St.Andrew Place六千呎別墅，一心一意想老婆住得舒適，玩得安心。
「 Leon上水間別墅裝咗好多閉路電視，佢咁做係想製造一個安全環境俾老婆，等 Galie可以帶朋友返屋企玩，唔使驚俾班記者影到。」知情人說。
黎明的六千呎皇宮，樂基兒的六千呎監獄。
搬入上水別墅後，樂基兒對這個家，愈來愈抗拒。「佢試過帶成班 model返屋企玩，但點都唔會好似 喺外面蒲咁好玩！留 喺屋企， Galie覺得好似坐監獄咁，成日住要返三藩市外家，都係想避開呢個屋企。」
蒲得豪放
去意已決
陪黎明出席公益金晚宴，不慣上流社會交際應酬，顯得特別落寞。
二人協議秘密暫時分開的日子，黎明依然送車送樓送遊艇，無非為挽救婚姻；不過自去年底開始，婚變消息不斷傳出，就算發過聲明澄清，但情況依然，看似有人立心公開這段婚姻已經無彎轉。
之後，還爆出樂基兒峇里島偷食事件，婚變事實進一步明朗化。
「 Galie瞓埋 喺鬼仔張床，做老公 嘅邊有面？件事已經去到咁盡，黎明知道冇得救。」於是發聲明宣布分手，確認婚變。
十月七日（星期日）傍晚，黎明自歐洲返港，對於分手一事，他以一貫金句回應：「感情事係過去式，過去式永遠屬於兩個人，所以冇乜 嘢好講！」黎明發聲明後，樂基兒亦忽然潛水，多日來沒有再在她最愛的 Instagram現身。
快速見效
過去孭住天王嫂身份，樂基兒是廣告及品牌代言人熱選，不過被踢爆偷食後，已出現廣告商唔再續約的情況，快到你唔信。
減鐘
一直幫 Neutrogena拍護膚廣告的樂基兒，早前爆出夜蒲偷啜男模，形象負面，品牌即時搵離 咗婚，但無夜蒲的阿 Sa拍多一條新片，將樂基兒的廣告時段 cut剩一半。
換人
因為黎明嫂身份，升呢的樂基兒被邀任首飾店 Folli Follie做代言人，冇 咗光環後，廣告商亦決定約滿後換人。
唔 啱身份
樂基兒替菲力偉拍的健身廣告，內容講她一個人或跟一班人一起的時候，都為了心中一個「佢」，令人感覺是為了黎明做運動 keep fit，如今朝三暮四出外偷食，廣告商考慮暫停播出，稍後或另外換人。 
留言列表
